हॅलो कृषी ऑनलाईन : यंदा महाराष्ट्रात झालेल्या अवकाळी पावसामुळे शेतकऱ्यांचे मोठे नुकसान झाले आहे. शेतकऱ्यांच्या हातातील तयार पीकही उद्ध्वस्त झाले आहे. त्याचबरोबर यावेळी अतिवृष्टी आणि अवकाळी पावसामुळे पद्मश्री या सर्वोच्च पुरस्काराने सन्मानित झालेल्या बिजामाता राहीबाई पोपेरे यांनाही मोठा फटका बसला आहे. अतिवृष्टीमुळे त्यांना तीन वेळा भाजीपाला लावावा लागला. पावसामुळे पिकांची नासाडी झाल्याने त्यांना नोव्हेंबरमध्ये पुन्हा पीक लावावे लागणार आहे. त्यासाठी त्यांना घरात साठवलेले सर्व देशी बियाणे शेतात पेरावे लागते.
यंदा राज्याच्या बहुतांश भागात दमदार पाऊस झाला आहे. काही ठिकाणी अवकाळी अतिवृष्टीमुळे शेतकऱ्यांच्या पिकांचे मोठे नुकसान झाले आहे. काढणीला आलेल्या पिकाचे नुकसान झाल्याने शेतकरी संकटात सापडला आहे. तसेच बिजमाता म्हणून ओळखल्या जाणाऱ्या राहीबाई पोपेरे यांच्या गावालाही मुसळधार पावसाने तडाखा दिला आहे. पावसामुळे भाजीपाला पीक निकामी झाल्याने त्यांना तीनवेळा पीक लावावे लागले.त्यामुळे पिकाचे मोठे नुकसान झाल्याचे राहीबाई पोपेरे यांनी सांगितले. कष्टकरी राहीबाईंनी निसर्गा संकटाला खचून न जात उत्पादनासाठी तीन वेळा भाजीपाल्याची पेरणी केली आहे. आपल्या कुटुंबीयांना सोबत घेऊन विविध पिकांच्या आणि भाजीपाल्यांचे बियाणे तयार करण्यात त्यांनी पुन्हा एकदा यश मिळविले आहे.
कोण आहेत राहीबाई पोपेरे?
आज महाराष्ट्रात असा एकही जिल्हा किंवा गाव नाही जो राहीबाई पोपेरे यांना ओळखत नाही. राहीबाईंचे कार्य परदेशातही पोहोचले आहे.सरकारनेही त्यांच्या कामाकडे लक्ष दिले आहे. त्यांना पद्मश्री या सर्वोच्च पुरस्कारानेही गौरविण्यात आले आहे.शिक्षण नसतानाही राहीबाईंनी कृषी क्षेत्रात देशी बियाणे संवर्धनाचे मोठे काम केले आहे. यासाठी त्यांना अनेक पुरस्कारही मिळाले आहेत. राहीबाई या अहमदनगर जिल्ह्यातील अकोले तालुक्यातील कोंभळाणे गावच्या रहिवासी आहेत. या छोट्याशा गावात राहीबाईंनी मोठे काम केले आहे. त्यांच्याकडे 52 पेक्षा जास्त पिकांच्या 200 पेक्षा जास्त बियांचे देशी वाण आहेत. आणि 114 नोंदणीकृत वाण आहेत. दुर्मिळ होत चाललेल्या सर्व प्रकारच्या बियांचे त्यांनी जतन केले आहे. राहीबाईंनी गावातील जुन्या पालेभाज्यांचे अनेक प्रकार आणि वेलवर्गीय भाज्यांच्या बियाही जपून ठेवल्या आहेत. त्यांनी हे कोणत्याही आंतरराष्ट्रीय बियाणे कंपनीकडून उपलब्ध करून दिलेले नाही.
