Elaichi Tree Farming : अनेकजण घरच्या घरी शेती करतात. काहीजण तर घराच्या टेरेसवर पालेभाज्यांची लागवड कडून चांगला पैसा देखील कमवतात. काहींना गार्डनमध्ये भाज्या पिकवायला आवडतात. पण तुम्हाला माहीत आहे का की, काही महागडे मसाले घराच्या अंगणातही लावले जाऊ शकतात. आणि हे मसाले बाजारात खूप चांगल्या किमतीत मिळतात. त्यामुळे याचा खूप फायदा देखील होईल.
जेवणापासून चहापर्यंत वापरण्यात येणारी विलायची तिच्या सुगंध आणि चवीसाठी जगभरात लोकप्रिय आहे. अनेकजण चहामध्ये विलायचीचा वापर करतात. जर विलायची नसेल तर काही लोक चहा देखील पित नाहीत. देशातील केरळ, कर्नाटक आणि तामिळनाडूमध्ये विलायचीची लागवड मोठ्या प्रमाणावर केली जाते. पण विलायची घरीही पिकवता येते. चला जाणून घेऊया याबद्दल माहिती. (Elaichi Tree Farming)
तुम्हाला शेतीसंबंधी नवनवीन माहिती जाणून घ्यायची असेल तर लगेचच प्ले स्टोअरवर जाऊन Hello Krushi हे अँप इंस्टाल करा. यामध्ये तुम्ही शेतीविषयक सर्व माहिती पाहू शकता. तीही अगदी मोफत तुम्हाला यामध्ये, सरकारी योजना, बाजारभाव, पशूंची खरेदी विक्री, जमीन मोजणी, हवामान अंदाज इत्यादी गोष्टींची माहिती मिळेल. त्यामुळे लगेचच हे अँप इंस्टाल करा.
घराच्या अंगणात विलायचीचे कसे संगोपन करायचे?
घरी विलायची वाढवण्याचे 2 मार्ग आहेत. पहिली गोष्ट म्हणजे तुम्ही विलायचीच्या रोपातून ऑफसेट वापरून नवीन वनस्पती वाढवू शकता किंवा ते बियांद्वारे देखील वाढवू शकता. कोणत्याही पद्धतीने केलं तरी ते तुमच्यासाठी फायदेशीर ठरेल.
विलायचीची लागवड करण्यासाठी बाजारातून किंवा रोपवाटिकेतून बियाणे विकत घ्या आणि नंतर चमचाभर पाण्यात भिजत ठेवा. यासोबतच घराच्या जमिनीवर मिश्रित लाल आणि काळ्या मातीवर पाणी शिंपडावे आणि बिया त्यात टाकाव्यात. यासोबत थोडी माती आणि कोको पीट मिसळा आणि नंतर पाणी शिंपडा. बियाणे उगवल्यानंतर, रोपाची वाढ सुरू होते आणि एका महिन्यात चांगली वाढ होते.
जर रोप कुंडीत असेल तर रोज २ ते ३ तास सूर्यप्रकाशात ठेवा किंवा रोपांना रोज सूर्यप्रकाश मिळेल अशा ठिकाणी पेरा. याचे उत्पादन मिळण्यासाठी 3 ते 4 वर्षे लागतात. यानंतर वनस्पती विलायची देऊ लागते.
