Export Import Business : भारत नॅशनल कोऑपरेटिव्ह एक्सपोर्ट्स लिमिटेड (NCEL) मार्फत 75,000MT बिगर-बासमती पांढरा तांदूळ निर्यात करणार आहे. बिगर-बासमती पांढरा तांदूळ निर्यात: सरकारने संयुक्त अरब अमिराती (UAE) मध्ये बिगर-बासमती पांढरा तांदूळ निर्यात करण्यास मान्यता दिली आहे. यासाठी विदेशी व्यापार महासंचालनालयाने (DGFT) अधिसूचना जारी केली आहे. अधिसूचनेनुसार, भारत नॅशनल कोऑपरेटिव्ह एक्सपोर्ट्स लिमिटेड (NCEL) मार्फत 75,000MT बिगर-बासमती पांढरा तांदूळ निर्यात करेल.
20 जुलै रोजी केंद्र सरकारने बिगर बासमती पांढऱ्या तांदळाच्या निर्यातीवर बंदी घातली होती. निर्धारित वाणांवर बंदी असतानाही यंदा तांदळाची निर्यात जास्त झाल्याचे निदर्शनास आले आहे. प्रीमियम बासमती तांदळाच्या नावाखाली पांढर्‍या बिगर-बासमती तांदळाच्या संभाव्य ‘बेकायदेशीर’ निर्यात मालावर प्रतिबंध करण्यासाठी सरकारने बासमती तांदळाची निर्यात किंमत $1,200 प्रति टन पेक्षा कमी दर असलेल्या तांदूळ निर्यातीस मंजुरी दिली नाही.
जगातील एकूण तांदूळ निर्यातीपैकी 40 टक्के भारतातून निर्यात होते. जागतिक तांदूळ बाजारपेठेत भारताचे महत्त्वपूर्ण योगदान आहे आणि तो सर्वात मोठा निर्यातदार आहे. दुसऱ्या क्रमांकावर थायलंड आणि तिसऱ्या क्रमांकावर व्हिएतनाम आहे. जागतिक तांदूळ निर्यातीत त्यांचे योगदान १५.३ टक्के आणि १३.५ टक्के आहे. मूल्याच्या दृष्टीने, 2022-23 या आर्थिक वर्षात भारताची बासमती तांदळाची एकूण निर्यात 4.8 अब्ज डॉलर्सची होती, तर प्रमाणानुसार ती 45.6 लाख टन होती.
तांदळाचे भाव का वाढत आहेत?
आंतरराष्ट्रीय स्तरावर, आशियाई देशांतील खरेदीदारांकडून जोरदार मागणी, थायलंडसारख्या काही प्रमुख उत्पादक देशांमध्ये 2022-23 मध्ये नोंदवले गेलेले उत्पादनात घट आणि एल निनोच्या प्रारंभाच्या संभाव्य प्रतिकूल परिणामाच्या भीतीमुळे आंतरराष्ट्रीय बाजारपेठेत तांदळाच्या किमती स्थिर आहेत. त्या सातत्याने वाढत आहेत. गेल्या वर्षी पासून FAO तांदूळ किंमत निर्देशांक जुलै 2023 मध्ये 129.7 अंकांवर पोहोचला, जो सप्टेंबर 2011 नंतरचा सर्वोच्च स्तर आहे. गेल्या वर्षीच्या तुलनेत त्यात १९.७% वाढ नोंदवली गेली. भारतीय तांदळाची जोरदार मागणी असून भारतीय तांदळाच्या किमती अजूनही आंतरराष्ट्रीय किमतींपेक्षा कमी आहेत, परिणामी 2021-22 आणि 2022-23 मध्ये विक्रमी निर्यात झाली.
