हॅलो कृषी ऑनलाईन: राज्यातील फळ (Fruit Crop Insurance) उत्पादक शेतकर्‍यांसाठी आनंदाची बातमी! आता मृग बहार (Mrig Bahar) आणि आंबिया बहार (Ambia Bahar) या हंगामातील ठराविक फळपिकांसाठीही विमा संरक्षण मिळणार आहे. यासाठी प्रधानमंत्री पीक विमा योजनेत (Pradhanmantri Pik Vima Yojana) पुनर्रचित हवामानावर आधारित फळपीक विमा योजना (Fruit Crop Insurance) राबवण्यात येणार आहे.
कृषिमंत्री (Agriculture Minister Of Maharashtra) धनंजय मुंडे (Dhananjay Munde) यांनी या योजनेचा लाभ घेण्यासाठी शेतकर्‍यांना (Farmers) आवाहन केले आहे. या योजने अंतर्गत 2024-25 आणि 2025-26 या दोन वर्षांसाठी विमा संरक्षण उपलब्ध असणार आहे.
या हंगामात कोणत्या पिकांसाठी विमा उपलब्ध आहे? (Fruit Crop Insurance)
या हंगामात द्राक्ष, काजू, संत्रा, पेरू, लिंबू, सीताफळ, द्राक्ष, आंबा, पपई, काजू, स्ट्रॉबेरी इत्यादी पिकांचा फळपीक विमा योजनेत समावेश करण्यात आला आहे.
वेगवेगळ्या पिकांसाठी विमा (Fruit Crop Insurance) भरण्याची अंतिम मुदत
मृग बहार
द्राक्ष, काजू, संत्रा, पेरू, लिंबू – 25 जून 2024
मोसंबी, चिकू – 30 जून 2024
डाळिंब – 14 जुलै 2024
सीताफळ – 31 जुलै 2024
आंबिया बहार
आंबा – नंतर घोषित केले जाईल
विमा भरून घेण्यासाठी काय करावे?
- शेतकर्‍यांनी विहित मुदतीपूर्वी जवळच्या कृषी सेवा केंद्रावर संपर्क साधून विमा भरून घ्यावा.
- विमा भरण्यासाठी आवश्यक कागदपत्रे सोबत ठेवावीत.
- अधिक माहितीसाठी कृषी विभागाच्या https://krishi.maharashtra.gov.in/ या अधिकृत वेबसाइटला भेट द्यावी.
पीक विमा योजनेत (Fruit Crop Insurance) भारतीय कृषी विमा कंपनी, बजाज अलियांज, फ्यूचर जनरल आणि युनिव्हर्सल सोम्पो या चार कंपन्या सहभागी आहेत. विमा संरक्षित रक्कम आणि इतर तपशील कृषी विभागाकडून (Agriculture Department Maharashtra) उपलब्ध आहेत. शेतकर्‍यांनी विमा भरण्यापूर्वी सर्व अटी आणि कागदपत्रांची खात्री करून घ्यावी.
कृषिमंत्री धनंजय मुंडे यांनी या योजनेचा लाभ घेण्यासाठी सर्व पात्र फळ उत्पादक शेतकर्‍यांना विहित मुदतीपूर्वी विमा (Fruit Crop Insurance) भरून घेण्याचे आवाहन केले आहे.
