राष्ट्रीय गोपाल रत्न पुरस्कार 2023 : तुमच्या गोठ्यातही सशक्त गाई असतील तर जिंकू शकता 5 लाख, आजच करा अर्ज

राष्ट्रीय गोपाल रत्न पुरस्कार 2023 । शास्त्रीय पद्धतीने देशी गोवंशाच्या प्रजातींचे जतन आणि संवर्धन करण्याच्या उद्देशाने देशात डिसेंबर २०१४ मध्ये प्रथमच राष्ट्रीय गोकुळ अभियान सुरू करण्यात आले आहे. या अभियानांतर्गत दरवर्षी गोपाल रत्न पुरस्कार प्रदान करण्यात येतो. यंदाच्या पुरस्कारासाठी इच्छुकांकडून अर्ज मागवण्यात आले आहेत. जास्तीत जास्त शेतकऱ्यांनी याकरता अर्ज करावा असे आवाहन यानिमित्ताने करण्यात आले आहे.

या पुरस्कारासाठी कोण अर्ज करू शकतात?

१) देशी गाई अथवा म्हशींचे पालन करणारा सर्वोत्कृष्ट दूध उत्पादक शेतकरी (नोंदणीकृत जातींची यादी सोबत जोडली आहे)
२) सर्वोत्कृष्ट दूध उत्पादक सहकारी संस्था (डीसीएस)/दूध निर्मिती कंपनी (एमपीसी)/दूध निर्मात्या शेतकऱ्यांची उत्पादक संघटना (एफपीओ)
३) सर्वोत्कृष्ट कृत्रिम रेतन तंत्रज्ञ (एआयटी)

राष्ट्रीय गोपाल रत्न पुरस्कार २०२३ प्राप्त पहिल्या दोन विभागांसाठी म्हणजेच सर्वोत्कृष्ट दूध उत्पादक शेतकरी आणि सर्वोत्कृष्ट डीसीएस/एफपीओ/एमपीसी यांना गुणवत्ता प्रमाणपत्र, स्मृतीचिन्ह आणि खालील रोख रक्कम दिली जाईल.

• प्रथम क्रमांक – रु.५,००,०००/- (पाच लाख रुपये)
• द्वितीय क्रमांक – रु.३,००,०००,/- (तीन लाख रुपये)

सर्वोत्कृष्ट कृत्रिम रेतन तंत्रज्ञ (एआयटी) विभागासाठी पहिल्या तिन्ही क्रमांकांच्या पुरस्कारामध्ये केवळ गुणवत्ता प्रमाणपत्र आणि स्मृतीचिन्ह यांचा समावेश असेल. राष्ट्रीय दुग्ध दिनी (२६ नोव्हेंबर २०२३) या पुरस्कारांचे वितरण करण्यात येईल. या पुरस्कारांसाठी आवश्यक पात्रता आणि ऑनलाईन अर्ज प्रक्रिया इत्यादी बाबींचे तपशील जाणून घेण्यासाठी https://awards.gov.in किंवा https://dahd.nic.in संकेतस्थळांना भेट देण्याच्या सूचना देण्यात आल्या आहेत.

या अभियानांतर्गत दूध उत्पादक शेतकरी, सहकारी संस्था, उत्पादक संस्था तसेच कृत्रिम रेतन तज्ज्ञ यांना या क्षेत्रातील विशेष कामगिरीसाठी राष्ट्रीय गोपाल रत्न पुरस्कार देण्यात येणार आहे. यासाठी १५ ऑगस्ट २०२३ पासून ऑनलाइन अर्ज प्रक्रिया सुरू होणार असून, अर्ज सादर करण्याची अंतिम तारीख १५ सप्टेंबर २०२३ आहे. या पुरस्कारांसाठी ऑनलाइन अर्जांसाठी https://awards.gov.in या संकेतस्थळांना भेट द्यावी.

गायींच्या नोंदणीकृत जाती (एनजीआरए २०२३ साठी)

म्हशींच्या नोंदणीकृत जाती (एनजीआरए २०२३ साठी)