हेलो कृषी ऑनलाईन : महाराष्ट्र विधानसभेच्या निवडणुकीचे (Maharashtra Assembly Election 2024) बिगुल वाजले असून राज्यात 2024 च्या विधानसभा निवडणुकांच्या तारखा जाहीर झाल्या असून महाराष्ट्रातील 288 विधानसभा मतदारसंघासाठी मतदान एकाच टप्प्यात होणार असल्याची माहिती केंद्रीय निवडणूक आयोगाने दिली आहे.
20 नोव्हेंबर ला होणार मतदान (Maharashtra Assembly Election 2024)
राज्यात आजपासून आचारसंहिता लागू झाली असून दि. 20 नोव्हेंबर रोजी राज्यातील 288 विधानसभा मतदारसंघातील निवडणुकांसाठी मतदान होणार आहे. तसेच दि. 23 नोव्हेंबर रोजी विधानसभेचा निकाल जाहीर करण्यात येणार असल्याचे केंद्रीय मुख्य निवडणूक आयुक्त राजीव कुमार यांनी सांगितले आहे.
महाराष्ट्र विधानसभेच्या निवडणुकीच्या बरोबरच झारखंड राज्याच्या विधानसभा निवडणुकीची तारीख जाहीर करण्यात आली आहे. झारखंड विधानसभेच्या निवडणुकीसाठी दि. 13 नोव्हेंबर व दि. 20 नोव्हेंबर या दिवशी दोन टप्प्यात मतदान होणार असून दि. 23 नोव्हेंबरला मतमोजणी होणार आहे.
महाराष्ट्र विधानसभेच्या निवडणुकीचे वेळापत्रक
- अर्ज भरण्याची मुदत– 29 ऑक्टोबर 2024
- अर्जाची छाननी– 30 ऑक्टोबर 2024
- अर्ज माघारी घेण्याची शेवटची तारीख– 4 नोव्हेंबर 2024
- मतदानाची तारीख– 20 नोव्हेंबर 2024
- मतमोजणीची तारीख– 23 नोव्हेंबर 2024
