हॅलो कृषी ऑनलाईन: महाराष्ट्रातील जुलै महिन्यात सरासरी पेक्षा अधिक पावसाची (July Rain Forecast) शक्यता आहे असे मत जेष्ठ निवृत्त हवामान तज्ज्ञ माणिकराव खुळे (Manikrao Khule) यांनी व्यक्त केले आहे.
संपूर्ण देशामध्ये लेह लडाख व पूर्व तामिळनाडू व पूर्वोत्तर 7 राज्ये वगळता जुलै महिन्यात जेवढा पाऊस पडतो म्हणजे जुलै महिन्यात सरासरी पडणाऱ्या पावसाच्या 106 टक्केपेक्षा अधिक पाऊस अपेक्षित आहे. जुलै महिन्यातील (July Month) मासिक सरासरी पावसाइतका पाऊस, किंवा सरासरीपेक्षा कमी पाऊस किंवा सरासरीपेक्षा अधिक पाऊस (More Than Average Rainfall) अशा त्या तीन श्रेणी आहेत. यात दोनच श्रेणी पात्र ठरल्या आहेत. व तिसरी श्रेणी म्हणजे महाराष्ट्रातील (Maharashtra) कोणत्याही जिल्ह्यात जुलै महिन्यात सरासरी पेक्षा कमी पावसाची शक्यता नाही (July Rain Forecast) .
महाराष्ट्रातील मुंबई (Mumbai) शहर, उपनगर, ठाणे, पालघर, रायगड, उत्तर रत्नागिरी, नंदुरबार, नाशिक (Nashik), धुळे, नगर, पुणे, सांगली, कोल्हापूर, पश्चिम सातारा, पूर्व सोलापूर, परभणी, धाराशिव, लातूर, नांदेड, बुलढाणा, अकोला, अमरावती, वाशिम, वर्धा, नागपूर, भंडारा, गोंदिया, गडचिरोली, चंद्रपूर या जिल्ह्यात जुलै महिन्यात त्या महिन्यातील सरासरीपेक्षा अधिक म्हणजे 106 टक्के इतक्या पावसाची शक्यता जाणवते (July Rain Forecast) .
दक्षिण रत्नागिरी, सिंधुदुर्ग तसेच सातारा व सोलापूर जिल्ह्याच्या फलटण, माण खटाव, माळशिरस, पंढरपूर तालुक्याच्या भागात जुलै महिन्यात त्या महिन्यातील सरासरीपेक्षा अधिक म्हणजे 106 टक्के किंवा त्यापेक्षा अधिक पावसाची शक्यता अधिक जाणवते. जळगाव, संभाजीनगर, जालना, बीड, बुलढाणा, यवतमाळ व या जिल्ह्यात व जिल्ह्यांच्या लगतच्या परिसरात जुलै महिन्यात त्या महिन्यातील सरासरी इतका म्हणजे 96 ते 104 टक्के इतका पाऊस पडण्याची शक्यता जाणवते (July Rain Forecast) .
कमाल आणि किमान तापमान (Weather Update)
जुलै महिन्यात संपूर्ण महाराष्ट्रात दुपारचे 3 वाजताचे कमाल तापमान हे जुलैतील सरासरी कमाल तापमानापेक्षा पेक्षा अधिक असण्याची शक्यता आहे. म्हणजे दिवसाचे अधिक तापमान म्हणून अधिक आर्द्रता त्यामुळेच जुलै महिन्यात पावसाची शक्यताही सरासरीपेक्षा अधिक जाणवणार आहे.
संपूर्ण महाराष्ट्रात जुलै महिन्यात पहाटे 5 चे किमान तापमान हे सरासरीपेक्षा अधिक असण्याची शक्यता आहे. म्हणजेच जुलै महिना पावसाळी असेल आणि आकाश नेहमी आभ्राच्छादित स्थितीतून किमान तापमानात वाढ जाणवणार आहे (July Rain Forecast).
‘ला- निना’ (la nina)
सध्या एन्सो जुलै महिन्यात तटस्थ अवस्थेत असून ऑगस्ट महिन्यात ‘ला-निना डोकावणार आहे. त्यामुळे जुलै महिन्यातील पावसासाठी समुद्र पृष्ठभागीय पाणी तापमान म्हणजेच तटस्थेतील एन्सो स्थिती पूरकच समजावी.
‘आयओडी’ (भारत महासागरीय द्वि-ध्रुविता)
आतापर्यंत आयओडी धन होता. परंतु पुन्हा तटस्थेकडे झुकत आहे. त्यामुळे जुलैतल्या पावसासाठी अरबी समुद्र व बंगाल उपसागरातील पाणी तापमान समान असणे ही वातावरणीय स्थिती पावसास अटकाव करणारी नाही. ही सुद्धा जुलै महिन्यासाठी जमेचीच बाजू समजावी.
आजची मॉन्सूनची स्थिती (Monsoon Update)
मॉन्सूनने आज संपूर्ण देश वेळे आधी म्हणजे 6 दिवस अगोदर काबीज केला. अरबी समुद्रात किनार पट्टीसमोर दक्षिणोत्तर आस असून गुजरात भूभाग व दक्षिण किनार पट्टीवर चक्रीय वाऱ्याची स्थिती आहे. पुढील 3 दिवस कोकण, विदर्भात जोरदार तर मध्य महाराष्ट्रात मध्यम तर मराठवाड्यात तुरळक ठिकाणी किरकोळ पावसाची शक्यता जाणवते (July Rain Forecast).
