हॅलो कृषी ऑनलाईन: राज्यात नैऋत्य मोसमी वारे (Monsoon Update) बहुतांश ठिकाणी सक्रिय झाले असून आज दक्षिण महाराष्ट्राकडून (Maharashtra) पूर्व विदर्भाच्या दिशेने मुसळधार पाऊस येण्याची शक्यता हवामान विभागाने (IMD) वर्तवली आहे. आज 24 जिल्ह्यांना मुसळधार पावसाचा यलो अलर्ट (Yellow Alert In Maharashtra Today) देण्यात आला असून इतर ठिकाणी हलक्या ते मध्यम सरींच्या पावसाची (Monsoon Update) शक्यता असल्याचे सांगण्यात आले आहे.
मध्य महाराष्ट्रात बहुतांश ठिकाणी आज पावसाची जोरदार (Heavy Rain) हजेरी लागणार असून मराठवाडा(Marathwada Monsoon), विदर्भातही (Vidarbha Monsoon) वादळी वाऱ्याच्या पावसाची शक्यता आहे. पुढील 3 ते 4 दिवस विदर्भात मुसळधार पाऊस राहणार असल्याचे हवामान विभागाने सांगितले असून मराठवाड्यातही 2 ते 3 दिवस पावसाचा (Monsoon Update) अलर्ट देण्यात आले आहेत.
उद्या सुद्धा कोकण (Konkan) व मराठवाड्यात तुरळक ठिकाणी जोरदार पावसाची शक्यता आहे. विदर्भ, मध्य महाराष्ट्र व मराठवाड्यात तुरळक ठिकाणी मेघगर्जना व विजांचा कडकडाट व सोसाट्याचा वारा (वाऱ्याचा वेग ताशी 40-50 किलोमीटर पर्यंत पोहोचणार) वाहण्याची शक्यता आहे.
आज कोणत्या जिल्ह्यांमध्ये मुसळधार?(Monsoon Update)
मध्य महाराष्ट्र- अहमदनगर, पुणे, कोल्हापूर, सातारा, सांगली, सोलापूर
मराठवाडा- छत्रपती संभाजीनगर, जालना, परभणी, बीड, हिंगोली, लातूर,धाराशिव
विदर्भ- अकोला,अमरावती,भंडारा,बुलढाणा,चंद्रपूर,गडचिरोली,गोंदिया, नागपूर, वर्धा, वाशिम, यवतमाळ