हॅलो कृषी ऑनलाईन: सकाळी उठल्यावर सर्वात अगोदर आठवतो तो गरम गरम चहा (Most Expensive Tea Leaves in The World). गरिबापासून ते श्रीमंतापर्यंत सर्वजण दिवसाची सुरुवात मुख्यतः चहा पिण्याने सुरुवात करतात. चहापत्ती सुद्धा क्वालिटी नुसार वेगवेगळ्या किमतीत आढळते. पण जर आम्ही तुम्हाला सांगितले की जगात अशी चहाची पाने आहेत जी 9 कोटी रुपये प्रति कीलो दराने विकली जातात तर तुम्हाला नक्कीच थोड्यावेळ विश्वास बसणार नाही. परंतु हे अगदी खरे आहे. जगातील ही सर्वात महाग चहाची पाने चीनमध्ये (China Tea) आढळतात, आणि या चहाच्या पानाचे नाव आहे ‘दा हाँग पाओ टी’ (Da Hong Pao). तुम्ही विचार करत असाल की या चहाच्या पानाची किंमत एवढी जास्त असण्याचे कारण का? चला जाणून घेऊया या जगातील सर्वात महागड्या चहाच्या पानाबद्दल (Most Expensive Tea Leaves in The World).
‘दा हाँग पाओ चहा’ (Most Expensive Tea Leaves in The World)
जगातील सर्वात महाग चहाची पाने चीनमध्ये आढळतात. ही चहाची पाने फक्त चीनमधील फुजियानच्या वुईसान भागात आढळते. येथे त्याची लागवड केली जाते. त्याच्या एक किलो पानाची किंमत (Da Hong Pao Tea Price) 9 कोटी रुपये आहे. हे चहाचे पान सहजासहजी मिळत नाही. त्यामुळे त्याची किंमत जास्त आहे. चीनमध्ये त्याची फक्त 6 झाडे शिल्लक आहेत. त्यांच्याकडूनही ही चहाची पाने वर्षभर अगदी कमी प्रमाणात मिळतात. डा-हॉंग पाओ चहाची पाने खूप लहान असतात. अशा परिस्थितीत त्याची मूळ पाने खूप महाग असतात. अनेक ठिकाणी या पानाच्या 10 ग्रॅमसाठी लोक 10 ते 20 लाख रुपये मोजतात (Most Expensive Tea Leaves in The World). त्याची पाने फक्त एका विशिष्ट झाडापासून घेतली जातात. सामान्य चहाच्या पानांप्रमाणे त्याची लागवड केली जात नाही.
अनेक गंभीर आजारांवर रामबाण उपाय (Da Hong Pao Tea Benefits)
ही चहाची पाने आरोग्यासाठी खूप फायदेशीर मानले जाते. असे म्हणतात की हा चहा प्यायल्याने अनेक गंभीर आजार दूर होतात. या चहाची चव नट्स सारखी असून त्यांना बांबूचा सुवास असतो. यामध्ये अँटिऑक्सिडंट्स जास्त असतात आणि असे म्हटले जाते की ते अनेक आरोग्य फायदे देतात.
हा चहा इतका खास आहे की अध्यक्ष माओ यांनी तो अमेरिकेचे तत्कालीन अध्यक्ष रिचर्ड निक्सन यांना भेट म्हणून दिला होता. निक्सन 192 साली चीनच्या अधिकृत दौऱ्यावर आले होते. त्यानंतर माओने 200 ग्रॅम दा हाँग पाओ चहा भेट दिला (Most Expensive Tea Leaves in The World).
दा हाँग पाओ चहाचा इतिहास (Da Hong Pao Tea History)
दा-हॉंग पाओ चहाच्या पानांचा इतिहास पाहता, त्याची लागवड चीनच्या मिंग राजवंशाच्या काळापासून केली जात आहे. चिनी लोक म्हणतात की त्या काळात मिंग राजवंशाची सम्राज्ञी अचानक आजारी पडली. त्याची प्रकृती खालावली होती आणि राणीच्या जगण्याची शक्यता कमी होती. त्याच्यावर कोणत्याही औषधाचा परिणाम होत नव्हता. त्यामुळे त्याला दा-होंग पाओ चहा प्यायला सांगितले. तिने ते काही दिवस प्यायल्यानंतर ती बरी झाली. राणी बरी झाल्यावर राजाला खूप आनंद झाला. या विशेष प्रकारच्या चहापानाची लागवड करावी, असे आदेश त्यांनी दिले. राजाच्या लांब झग्यावरून या चहाच्या पानाला दा-होंग पाओ असे नाव पडले. मिंगच्या राजवटीपासून या चहाच्या पानाची लागवड (Most Expensive Tea Leaves in The World) केली जात असल्याचे मानले जाते.
