Onion Market Price : कांद्याच्या बाजारभावात सुधारणा ! पहा आज किती मिळाला दर ?

हॅलो कृषी ऑनलाईन : शेतकरी मित्रांनो मागील काही दिवसांपासून कांद्याचे (Onion Market Price) दर हे सतत खाली उतरलेले होते कांद्याला कमाल दर पंधराशे रुपयांपर्यंत मिळत होता. मात्र आता कांद्याचे सध्याचे बाजार भाव पाहता कांद्याला हळूहळू चांगला भाव मिळताना दिसत आहे. कांद्याच्या कमाल भावामध्ये सुधारणा झाल्याचं बाजारभावावरून लक्षात येत आहे.

आज सायंकाळी 5:00 वाजेपर्यंत प्राप्त झालेल्या राज्यातील विविध कृषी उत्पन्न बाजार समित्यांमधील कांदा बाजार भाव नुसार आज कांद्याला सर्वाधिक 3200 रुपयांचा कमाल दर मिळालेला आहे.

हा दर शेवगाव कृषी उत्पन्न बाजार समिती (Onion Market Price) इथे मिळाला असून आज शेवगाव कृषी उत्पन्न बाजार समिती इथे नंबर एक कांद्याची बाराशे क्विंटल इतकी आवक झाली. याकरिता किमान भाव दोन हजार रुपये, कमाल भाव तीन हजार दोनशे आणि सर्वसाधारण भाग दोन हजार रुपये इतका मिळाला आहे.

तर त्या खालोखाल सोलापूर कृषी उत्पन्न बाजार समितीमध्ये कांद्याला (Onion Market Price) सर्वाधिक तीन हजार रुपयांचा भाव मिळालेला आहे आज सोलापूर बाजार समितीमध्ये 12,102 क्विंटल लाल कांद्याची आवक झाली. याकरिता किमान भाव शंभर रुपये कमाल भाव तीन हजार रुपये आणि सर्वसाधारण भाव 1100 रुपये इतका मिळालाय.

तर सर्वाधिक आवक ही पिंपळगाव बसवंत कृषी उत्पन्न बाजार समितीमध्ये झाली असून हे आवक 13,151 क्विंटल इतके झाली आहे.

आजचे कांदा बाजारभाव