हॅलो कृषी ऑनलाईन : शेतकरी मित्रांनो मागच्या आठवड्यापासून सोयाबीनच्या भावात कमालीची चढ-उतार होत आहे. सोयाबीनचे दर हे कमाल सात हजार रुपयांवर आले होते. मात्र आजचे बाजार भाव पाहता त्यात काहीशी सुधारणा झाल्याचे दिसून येत आहे.
आज सायंकाळी पाच वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज सोयाबीनला कमाल भाव 7500 रुपये मिळाला आहे. हा भाव जालना कृषी उत्पन्न बाजार समिती येथे मिळाला असून आज जालना कृषी उत्पन्न बाजार समितीत 2115 क्विंटल पिवळ्या सोयाबीनची आवक झाली. याकरिता किमान भाव 6300,कमाल भाव 7500 आणि सर्वसाधारण भाव 6 हजार 600 रुपये दर मिळाला आहे. त्याखालोखाल चिखली कृषी उत्पन्न बाजार समितीमध्ये कमाल सात हजार 374 रुपयांचा भाव आज सोयाबीनला मिळाला आहे. अकोला कृषी उत्पन्न बाजार समितीमध्ये सोयाबीन ला कमाल 7040 रुपयांचा भाव मिळाला. तर वाशिम कृषी उत्पन्न बाजार समितीमध्ये कमाल सात हजार रुपयांचा भाव सोयाबीनला मिळाला आहे. सोयाबीनचे सर्वसाधारण भाव हे सात हजार रुपयांच्या आतच असल्याचं पाहायला मिळत आहे. मागच्या आठवड्यापासून सोयाबीनच्या कमाल आणि सर्वसाधारण दरातही घट होत असताना पाहायला मिळत आहे मात्र आजचे दर वाढलेले दिसत आहेत.
राज्यातल्या अनेक भागांमध्ये सध्या मान्सूनपूर्व पावसाने हजेरी लावली आहे. लवकरच मान्सूनचे आगमन राज्यामध्ये होईल, त्यामुळे खरिपाच्या तयारीला आता शेतकरी लागला आहे. सोयाबीन आणि कापूस या दोन पिकांना चांगला भाव मिळत असल्यामुळे यंदाच्या वर्षी सोयाबीन आणि कापूस या दोन पिकांच्या लागवडीचे क्षेत्र वाढण्याची शक्यता वर्तवण्यात आली आहे.
(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )
आजचे 20-5-22 सोयाबीन बाजारभाव
बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
---|---|---|---|---|---|---|
20/05/2022 | ||||||
जळगाव | — | क्विंटल | 23 | 5700 | 6400 | 6300 |
औरंगाबाद | — | क्विंटल | 13 | 5000 | 6561 | 5780 |
माजलगाव | — | क्विंटल | 290 | 5400 | 6500 | 6351 |
उदगीर | — | क्विंटल | 1220 | 6900 | 6975 | 6937 |
कारंजा | — | क्विंटल | 3500 | 6555 | 6980 | 6845 |
तुळजापूर | — | क्विंटल | 120 | 6500 | 6700 | 6600 |
अमरावती | लोकल | क्विंटल | 3033 | 6350 | 6750 | 6550 |
नागपूर | लोकल | क्विंटल | 464 | 5700 | 6802 | 6527 |
हिंगोली | लोकल | क्विंटल | 190 | 6400 | 6830 | 6615 |
कोपरगाव | लोकल | क्विंटल | 128 | 5000 | 6753 | 6622 |
मेहकर | लोकल | क्विंटल | 490 | 6400 | 6800 | 6600 |
परांडा | नं. १ | क्विंटल | 1 | 6450 | 6450 | 6450 |
लासलगाव – निफाड | पांढरा | क्विंटल | 73 | 5500 | 6891 | 6841 |
जालना | पिवळा | क्विंटल | 2115 | 6300 | 7500 | 6600 |
अकोला | पिवळा | क्विंटल | 1186 | 6000 | 7040 | 6500 |
यवतमाळ | पिवळा | क्विंटल | 300 | 6100 | 6860 | 6480 |
चिखली | पिवळा | क्विंटल | 593 | 6300 | 7374 | 6837 |
बीड | पिवळा | क्विंटल | 7 | 6301 | 6500 | 6434 |
वाशीम | पिवळा | क्विंटल | 2100 | 6450 | 7000 | 6800 |
वाशीम – अनसींग | पिवळा | क्विंटल | 60 | 6500 | 6850 | 6700 |
पैठण | पिवळा | क्विंटल | 11 | 5910 | 6500 | 6300 |
भोकर | पिवळा | क्विंटल | 5 | 5000 | 6001 | 5500 |
जिंतूर | पिवळा | क्विंटल | 9 | 6670 | 6725 | 6670 |
अजनगाव सुर्जी | पिवळा | क्विंटल | 21 | 5400 | 6250 | 5900 |
गेवराई | पिवळा | क्विंटल | 132 | 5500 | 6621 | 6400 |
परतूर | पिवळा | क्विंटल | 50 | 6251 | 6680 | 6675 |
किल्ले धारुर | पिवळा | क्विंटल | 136 | 5100 | 6700 | 6500 |
केज | पिवळा | क्विंटल | 85 | 5500 | 6800 | 6700 |
मुरुम | पिवळा | क्विंटल | 12 | 6551 | 6551 | 6551 |
आष्टी- कारंजा | पिवळा | क्विंटल | 81 | 6000 | 6600 | 6300 |