टोमॅटोच्या दरातील घसरण चिंताजनक

हॅलो कृषी ऑनलाईन: यंदाच्या हंगामात जास्त पाऊस झाल्यामुळे टोमॅटो पिकाला मर रोगाने ग्रासले. त्यातही काहीतरी हातात लागेल या आशेने शेतकऱ्यांनी पीक संरक्षणावर मोठा खर्च करून टोमॅटोचे पीक जगवले. मात्र टोमॅटोचे सांध्याचे उतरलेले दर शेतकऱ्यांना आथिर्क नुकसानीला सामोरे जाण्यासाठी भाग पाडत आहे.राज्यातील कृषी उत्पन्न बाजार समित्यांचा विचार करता टोमॅटोला कमाल दर प्रति क्विंटल १२००-१५०० मिळत आहे. सर्वसाधारण दर तर ८०० ते १००० रुपयांच्या टप्प्यात आहेत. त्यामुळे शेतकऱ्यांना उत्पादन खर्चही भरून काढता येत नाहीये अशी स्थिती सध्या आहे.

चालू वर्षाचा हंगाम उत्पादनाच्या अंगाने अडचणीचा राहिला. हंगामात प्रतिकूल वातावरणात माल तयार करून बाजारात आणला. सप्टेंबर व ऑक्टोबर महिन्यांत पिंपळगाव बसवंत बाजार समितीमध्ये आवक मोठ्या प्रमाणात झाल्याचे दिसून आले.सप्टेंबर महिन्यात परराज्यांतील बाजारात मागणी असल्याने आवक वाढून दरही टिकून होते. मात्र नंतर आवक कमी होत असताना दराच्या अंगाने मागणी कमी झाल्याने आर्थिक नुकसान सोसावे लागत आहे. यापूर्वी दरात सुधारणा होती. मात्र पीक संरक्षणावर खर्च वाढल्याने काही अंशी यापूर्वी फायदा झाला, अशी स्थिती आहे.

परराज्यांत स्थानिक मालाची आवक सुरू झाल्याचा परिणाम उत्तर प्रदेश, मध्य प्रदेश, कर्नाटक राज्यात दिवाळीपूर्व मागणी होती. मात्र, तेथील स्थानिक मालाचे उत्पादन हाती असल्याने नाशिक भागातून मागणी कमी झाल्याने पुरवठा कमी झाल्याचे समजते. त्यामुळे दरावर परिणाम झाल्याचे व्यापाऱ्यांचे म्हणणे आहे.

राज्यातील टोमॅटो बाजारभाव

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
14/11/2022
श्रीरामपूर	—	क्विंटल	27	1500	2500	2000
सातारा	—	क्विंटल	64	800	1200	1000
कळमेश्वर	हायब्रीड	क्विंटल	25	1015	1500	1325
पुणे	लोकल	क्विंटल	2053	500	1200	850
पुणे- खडकी	लोकल	क्विंटल	21	1000	1500	1250
पुणे -पिंपरी	लोकल	क्विंटल	25	500	1500	1000
पुणे-मोशी	लोकल	क्विंटल	411	800	1200	1000
वडगाव पेठ	लोकल	क्विंटल	230	700	900	800
वाई	लोकल	क्विंटल	70	700	1500	1100
पारशिवनी	लोकल	क्विंटल	10	1300	1500	1400
कामठी	लोकल	क्विंटल	14	800	1200	1000