हॅलो कृषी ऑनलाईन: पावसाळा संपत आहे आणि हिवाळा हंगाम (Tractor Care Tips In Winter Season) सुरू होण्यासाठी फक्त काही दिवस शिल्लक आहेत. प्रत्येक हंगामात ट्रॅक्टरची विशेष काळजी घेणे आवश्यक असते. हिवाळ्याच्या हंगामात, बहुतेक ट्रॅक्टर शेतात काम करताना (Agriculture Tractor) त्यांच्या इंजिन आणि इतर भागांमध्ये समस्या निर्माण करतात. अशा परिस्थितीत या समस्यांवर मात करण्यासाठी काही टिप्स फॉलो करून हिवाळ्यात ट्रॅक्टरची विशेष काळजी घेऊ शकता, ज्यामुळे शेती आणि वाहतुकीची कामे सुरळीत चालून ट्रॅक्टर चांगली कामगिरी करू शकते. जाणून घेऊ या हिवाळ्यात ट्रॅक्टर (Tractor Care) सांभाळण्याच्या 5 महत्त्वाच्या टिप्स सांगणार आहोत.
हिवाळ्यात ट्रॅक्टरची काळजी घेण्याविषयी महत्वाची माहिती (Tractor Care Tips In Winter Season)
टायरचा दाब/प्रेशर: जर तुम्ही अशा ठिकाणी राहत असाल जिथे बऱ्याचदा बर्फ पडतो किंवा तुमचे घर थंड भागात असेल, जिथे वारंवार पाऊस पडत असेल, तर तुमच्या ट्रॅक्टरच्या टायर्स रस्त्यावरून घसरू शकतात. अशा परिस्थितीत, ट्रॅक्टरचा टायर घसरण्यापासून रोखण्यासाठी योग्य टायरचा दाब (Tractor Tire Pressure) राखणे फार महत्वाचे आहे. याशिवाय, थंड वातावरणात टायरचा दाब कमी होऊन ट्रॅक्टरचा तोल बिघडू शकतो. यासाठी, तुम्ही तुमच्या ट्रॅक्टरच्या टायर्सचा दाब नियमितपणे तपासावा. ट्रॅक्टरच्या टायरचा दाब मोजण्यासाठी टायर मॉनिटरिंग सिस्टम वापरू शकता.
बॅटरीची काळजी घ्या: हिवाळ्यात ट्रॅक्टरच्या बॅटरीवर (Tractor Battery) मोठ्या प्रमाणात परिणाम होतो, त्या दरम्यान बॅटरी वेगाने डिस्चार्ज होऊ शकते. हिवाळा सुरू होण्याआधीच, तुम्ही तुमच्या ट्रॅक्टरच्या बॅटरीची स्थिती, टर्मिनल्स आणि चार्जिंग सिस्टीम तपासून घ्या, जेणेकरून थंडीचा बॅटरीवर फारसा परिणाम होणार नाही. जर बॅटरी खूप जुनी असेल तर ती बदलणे चांगले. याशिवाय, तुम्हाला ट्रॅक्टरची बॅटरी चार्ज करावी लागेल आणि बॅटरी कनेक्शनची स्वच्छता राखावी लागेल (Tractor Care Tips In Winter Season).
इंजिन ऑइल तपासा: ट्रॅक्टरच्या इंजिनची कार्यक्षमता टिकवून ठेवण्यासाठी इंजिन ऑइल (Tractor Engine Oil) महत्त्वाची भूमिका बजावते, यामुळे तुमच्या ट्रॅक्टरचे आयुष्यही चांगले राहते. यासाठी तुम्ही इंजिन ऑइल नियमितपणे तपासत राहावे. थंडीच्या वातावरणात इंजिन ऑइल घट्ट होऊ शकते, ज्यामुळे इंजिन योग्यरित्या काम करत नाही आणि ट्रॅक्टर सुरू करण्यात अडचण येते. हे टाळण्यासाठी, हिवाळा सुरू होण्यापूर्वी तुम्ही ट्रॅक्टरचे इंजिन ऑइल आणि ऑइल फिल्टर तपासले पाहिजे.
कूलेंट तपासा: हिवाळ्याच्या मोसमात ट्रॅक्टरचे इंजिन गोठण्यापासून वाचवण्यासाठी, आपण कूलंटची (Tractor Coolant) विशेष काळजी घ्यावी. थंड हवामान सुरू होण्यापूर्वीच, आपण कूलंटची योग्य मात्रा आणि गुणवत्ता तपासली पाहिजे. ट्रॅक्टर इंजिनसाठी कूलंट चांगले असल्यास इंजिन थंड होण्यापासून सुरक्षित राहते आणि जास्त गरम होणार नाही.
ड्राइव्ह बेल्ट तपासणी: ट्रॅक्टरमध्ये पट्टा तुटणे, सडणे आणि घसरणे ही समस्या सामान्य आहे. हिवाळा हंगाम सुरू होण्यापूर्वी शेतकऱ्यांनी ट्रॅक्टर चालविण्याच्या पट्ट्याची पाहणी करावी. बेल्टची खराब फिटिंग किंवा जीर्ण पट्ट्यामुळे ट्रॅक्टर चालवण्यात समस्या निर्माण होतात. जर बेल्ट (Tractor Drive Belt) खराब झाला असेल तर तुम्ही स्थानिक ट्रॅक्टर डीलरकडे जाऊन तो बदलून घेऊ शकता.
