Tractor News : शेतकऱ्यांना शेती करताना अनेक यंत्रांची गरज भासत असते. यामध्ये शेतकऱ्यांना सर्वात जास्त ट्रॅक्टरची गरज भासते. ट्रॅक्टर खरेदी करताना अनेकदा शेतकरी संभ्रमात असतात, कोणता ट्रॅक्टर घ्यावा? असा शेतकऱ्यांच्या मनात नेहमीच प्रश्न पडलेला असतो. शेतकरी मित्रांनो आता टेन्शन घ्यायची गरज नाही आम्ही तुम्हाला स्वराज 630 बद्दल माहिती सांगणार आहोत. ज्याचा उपयोग तुम्हाला शेती करताना नक्की होईल.
या स्वराज ट्रॅक्टरची रचना बागायतदार शेतकरी, छोटे शेतकरी, भाड्याने ट्रॅक्टर चालवणारे शेतकरी यांच्या फायद्याचा विचार करून करण्यात आली आहे. या ट्रॅक्टरची सर्वात खास गोष्ट म्हणजे त्याची जबरदस्त वैशिष्ट्ये आणि 6 वर्षांची वॉरंटी, तसेच या ट्रॅक्टरमध्ये 4 व्हील ड्राइव्हचे वैशिष्ट्य देखील आहे. यामुळे शेतकरी आपला ट्रॅक्टर निसरड्या जागीही सहज चालवू शकतात कारण या ट्रॅक्टरची चारही चाके इंजिनला जोडून काम करतात.
या शेतकऱ्यांसाठी स्वराज्य टार्गेट 630 ट्रॅक्टर आहे उपयुक्त?
स्वराज टार्गेट 630 हा 29 HP क्षमतेचा ट्रॅक्टर आहे. या ट्रॅक्टरची खास गोष्ट म्हणजे तो आकाराने लहान आणि ताकदवान आहे. या ट्रॅक्टरचा वापर बागकाम आणि शेती दोन्हीसाठी करता येतो. कमी जमिनीवर शेती करणाऱ्या लहान आणि मध्यमवर्गीय शेतकऱ्यांसाठी हा ट्रॅक्टर अतिशय फायदेशीर आहे. हा ट्रॅक्टर आकाराने लहान आहे ज्यामुळे तो लहान आणि अरुंद शेतातही काम करू शकतो. हा ट्रॅक्टर 980 किलो वजन उचलू शकतो.
शेतकरी मित्रानो जर तुम्हाला या ट्रॅक्टरचा वापर बागायती, नांगरणी, पेरणी, मळणी आणि इतर शेती अवजारांसोबत करायचा असेल आणि मध्यम पातळीचा माल वाहून नेण्यासाठी वापरायचा असेल, तर कमी बजेटमध्ये हा ट्रॅक्टर खूप चांगला आहे.
या ट्रॅक्टरची खासियत काय?
स्वराज टार्गेट 630 ट्रॅक्टर त्याच्या मजबूत आणि संक्षिप्त आकारामुळे शेतकऱ्यांमध्ये खूप लोकप्रिय आहे. अनेक शेतकरी या ट्रॅक्टरच्या मदतीने शेतातील कामे सहजपणे करत आहेत. त्याच्या लहान आकारामुळे आणि शक्तिशालीमुळे, ट्रॅक्टर कठीण परिस्थितीतही काम करण्यास सक्षम आहे. हे ट्रॅक्टर मॉडेल इंधन कार्यक्षम आहे. त्यामुळे शेतीची उत्पादकता वाढते. जर तुम्हाला स्वराज टारगेट 630 या ट्रॅक्टरची खरेदी करायची असेल तर त्याची किंमत पाच लाख 35 हजार रुपये इतकी आहे.
