हॅलो कृषी ऑनलाईन : मागच्या २४ तासात पुणे, कोल्हापूर, साताऱ्यासह राज्यातील अनेक भागात मुसळधार पावसाने (Weather Update) हजेरी लावली. अनेक ठिकाणी घरांमध्ये पाणी शिरले तर शेत शिवारात बऱ्याच ठिकाणी तळी साचल्याने चित्र पाहायला मिळाले. दरम्यान आजही राज्यातल्या अनेक भागात विजांच्या कडकडाटासह मुसळधार पाऊस होण्याची शक्यता हवामान खात्याने वर्तविली आहे. शिवाय पुढचे पाच दिवस महाराष्ट्रात पावसाची स्थिती कायम राहणार आहे.
Vidarbha and adjoining parts of marathwada could get me to intense spells of rains with thunder, lightning for next 3,4 hrs as can be seeing from latest satellite obs at 9.30 am today.
Konkan ,M Mah recd happy to very heavy in past 24 hrs. Today also heavy rain warnings cont pl. pic.twitter.com/rqqr3zn6Y7— K S Hosalikar (@Hosalikar_KS) September 12, 2022
हवामान स्थिती
सध्या बरसत असलेला पाऊस हा परतीचा पाऊस नसून मान्सून (Weather Update) सक्रिय झाल्यामुळे राज्यासह देशभरात पाऊस हजेरी लावतो आहे. उत्तर ओडिशाच्या किनारपट्टीवर तीव्र कमी दाबाचे क्षेत्र तयार झाले आहे. त्याचा परिणाम म्हणून राज्यात पाऊस बरसतो आहे. देशातील हवामान स्थितीचा विचार केल्यास ओडिसा उत्तराखंड जम्मू-काश्मीर आणि लडाख सौराष्ट्र कच्छ या भागामध्ये दक्षिण पश्चिम मान्सून हा सक्रिय झाला आहे. त्यामुळे कोकण, गोवा, विदर्भ, आंध्र प्रदेशच्या किनारी भाग, तेलंगणा, कर्नाटकाचा किनारी भाग, केरळचा किनारी भाग, अरुणाचल प्रदेश, बिहार, उत्तर प्रदेश, हरियाणा, पंजाब, हिमाचल प्रदेश आणि तमिळनाडू या भागामध्ये पाऊस पडण्याची शक्यता आहे.येत्या पाच दिवस पावसाचा भर कायम राहणार असून कोकण आणि विदर्भांत जोरदार पाऊस होणार असून वीदर्भात विजांसह पाऊस कोसळण्याची शक्यता हवामान खात्याकडून व्यक्त करण्यात आली असून या भागात सतर्कतेचा इशारा देण्यात आला आहे.
या भागांना अलर्ट जारी
दरम्यान आज दिनांक 12 सप्टेंबर रोजी पुणे, सातारा, रत्नागिरी, सिंधुदुर्ग, कोल्हापूर, रायगड या जिल्ह्याला हवामान खात्याकडून ऑरेंज अलर्ट (Weather Update) देण्यात आला आहे. या भागात मुसळधार पावसाची शक्यता आहे तर ठाणे, अहमदनगर, उस्मानाबाद, लातूर, बीड, परभणी, जालना, औरंगाबाद, जळगाव, धुळे, नंदुरबार, बुलढाणा, अकोला, वाशिम, नांदेड, यवतमाळ, अमरावती, वर्धा, नागपूर, चंद्रपूर, भंडारा, गोंदिया आणि गडचिरोली या भागांना हवामान खात्याकडून यलो अलर्ट देण्यात आला आहे.
