हॅलो कृषी ऑनलाईन : राज्यातल्या अनेक भागात काल (५) संध्याकाळनंतर पावसाने हजेरी (Weather Update) लावली. दरम्यान आज सकाळपासून अनेक भागात ढगाळ वातावरण असून आजही राज्यातल्या अनेक भागात विजांसह पाऊस होण्याची शक्यता असून ‘या’ भागाला हवामान खात्याकडून यलो अलर्ट देण्यात आला आहे. आज सकाळी नोंदवण्यात आलेल्या निरीक्षणानुसार पुण्यातील घाटमाथ्यावर तसेच मुंबई वर देखील ढगांची दाटी झाली आहे.
कालपासून राज्यात परतीच्या पावसाला (Weather Update) सुरुवात झाल्याची माहिती हवामान विभागानं दिली आहे. पाच ते दहा ऑक्टोबर या कालावधीत राज्यातून मान्सून माघारी फिरणार आहे. अशातच आज हवामान विभागानं राज्यात पावसाचा अंदाज वर्तवला आहे. आज विदर्भासह मराठवाडा आणि पश्चिम महाराष्ट्रात पावसाची शक्यता वर्तवण्यात आली आहे.
5 and 6 Oct in Maharashtra possibility of thunder at few places as shown here with yellow alerts.
7 & 8 also some activity expected.
Mumbai forecast for 48 hrs is partly cloudy sky with 1, 2 light rain showers.
Pune now its raining light at isolated places … pic.twitter.com/MI3bjU2BnC— K S Hosalikar (@Hosalikar_KS) October 4, 2022
आज या भागाला यलो अलर्ट
आज संपूर्ण विदर्भ आणि मराठवाड्यात पावसाचा यलो अलर्ट (Weather Update) देण्यात आला आहे. तसेच पश्चिम महाराष्ट्रात देखील पुणे वगळत अन्य जिल्ह्यात पावसाचा यलो अलर्ट देण्यात आला आहे. आज सातारा, सांगली, कोल्हापूर, सोलापूर, लातूर, परभणी, जालना, जळगाव, बुलढाणा ,वाशिम ,हिंगोली ,नांदेड, यवतमाळ, अकोला, अमरावती, वर्धा, नागपूर, भंडारा, चंद्रपूर, गोंदिया आणि गडचिरोली या भागाला हवामान खात्याकडून येलो अलर्ट देण्यात आला आहे.