हॅलो कृषी ऑनलाईन (Mango Rate) : राज्यात यंदा आंब्याचे उत्पादन कमी झाले आहे. मात्र आंब्याची मागणी वाढली असल्याने आंब्याला बाजारात चांगला दर मिळत आहे. आज अक्षय्य तृतीयेच्या मुहूर्तावर नवी मुंबई एपीएमसी (APMC) बाजारात अधिक प्रमाणात आंब्यांची विक्री झाली आहे. ईद आणि अक्षयतृतीया या सणांमुळे आंब्याला आज सर्वाधिक दर मिळाला आहे.
आज मुंबई मार्केटमध्ये १५ ते १८ हजार आंब्यांच्या पेट्यांची आवक वाढल्याचे पाहायला मिळाले. कोकणातील हापूस कमी येत असल्यानं दरही वाढले आहेत. कोकणातील देवगड हापूसला ९०० रुपये भाव मिळतो आहे. मार्केटमध्ये ६० ते ६५ हजार आंबा पेटी येत आहे. तसेच दक्षिण भारतातून देखील आंब्यांची आवक होताना दिसतेय.
अक्षय्य तृतीया आणि ईद एकाच महिन्यात; ग्राहकांची आंबा खरेदीकडे कल
आज अक्षय्य तृतीया आणि रमजान ईद असल्याने बरेच ग्राहक आंबा खरेदीसाठी आले होते. सध्या महाराष्ट्रात सुरू असलेल्या अवकाळी पावसाचा परिणाम पिकांवर होत असल्याने आंब्यांच्या उत्पादनात मोठ्या प्रमाणात घट झाली आहे. बाजारात चांगल्या दर्जाच्या आंब्याची मागणी वाढत असल्याने दर स्थिर राहिलेले आहेत. मात्र आता इथून पुढे दर काही प्रमाणात उतरण्याची शक्यता आहे.
अवकाळी पावसामुळे आंब्यांचे पीक धोक्यात
यंदा २०२३ या वर्षात राज्यातील काही भागात थंडीचे वातावरण, काही भागात अवकाळी पाऊस तर काही ठिकाणी गारपीट झाल्याने आंब्याला मोठा फटका बसला आहे. तसेच देशातील ओडिशा, उत्तर प्रदेश महाराष्ट्रासह अनेक राज्यांमध्ये आंबा पिकांची नासाडी झाली आहे. यामुळे आंबा उत्पादक संकटात सापडला आहे.
शेतमाल : आंबा (Mango Rate)
दर प्रती युनिट (रु.)
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 22/04/2023 | ||||||
| पुणे-मोशी | लोकल | क्विंटल | 79 | 8000 | 10000 | 9000 |
| राहता | लोकल | क्विंटल | 5 | 6000 | 7500 | 6700 |
| 21/04/2023 | ||||||
| श्रीरामपूर | — | क्विंटल | 58 | 3000 | 7000 | 6000 |
| नाशिक | हापूस | क्विंटल | 259 | 18000 | 25000 | 22000 |
| सांगली -फळे भाजीपाला | हापूस | क्विंटल | 973 | 2500 | 5000 | 3750 |
| मुंबई – फ्रुट मार्केट | हापूस | क्विंटल | 3763 | 11000 | 34000 | 22500 |
| पुणे-मोशी | लोकल | क्विंटल | 222 | 6000 | 20000 | 13000 |
| मुंबई – फ्रुट मार्केट | लोकल | क्विंटल | 10822 | 6000 | 11000 | 8500 |
| राहता | लोकल | क्विंटल | 6 | 6000 | 7500 | 7000 |
| कामठी | लोकल | क्विंटल | 21 | 1500 | 2500 | 2000 |
| हिंगणा | लोकल | क्विंटल | 12 | 1600 | 3000 | 3000 |
| सोलापूर | नं. १ | नग | 236 | 1600 | 3200 | 2400 |
| सोलापूर | नं. १ | क्विंटल | 199 | 3000 | 5000 | 3500 |
