Agriculture news : कडुलिंब हे भारतीय वंशाचे झाड आहे, जे भारतात मुबलक प्रमाणात आढळते. कडुनिंब हे आयुर्वेदात अतिशय उपयुक्त वृक्ष मानले जाते. कडुलिंब चवीला कडू आहे, पण त्याचे फायदे खूप आहेत आणि खूप प्रभावी आहेत. कडुनिंबाच्या तेलामध्ये सर्व पिकांमधील कीटकांवर नियंत्रण ठेवण्याची क्षमता असते. कडुलिंबाच्या निंबोळीपासून शेतकरी निंबोळी तेलाचे घरगुती उत्पादन सहज करू शकतात. ज्याचा शेतकऱ्यांना देखील चांगला फायदा होतो.
याबाबत सविस्तर माहिती देताना पुसा संस्थानचे तज्ज्ञ डॉ.सुप्रदीप शहा यांनी सांगितले की, कडुलिंब बोलताच आपल्याला कडुलिंबाची पाने आठवतात, त्याद्वारे आपण कीटकांवर नियंत्रण ठेवतो. पण यापेक्षा कडुलिंब निंबोळी जास्त गुणकारी आहे. त्यात अनेक फायदेशीर पदार्थ असतात जे कीटक आणि झाडांवर परिणाम करणाऱ्या रोगांचा नाश करतात, जसे की सुरवंटांना पाने खाण्यापासून रोखणे.
जर आपण घरगुती उपायांमध्ये कडुलिंबाच्या तेलाबद्दल बोललो तर आपण अनेक कीटकांवर नियंत्रण ठेवतो, परंतु अनेक वेळा असे घडते की चांगल्या प्रतीचे कडुलिंबाचे तेल उपलब्ध नसते आणि जे उपलब्ध असते ते कीटकांवर परिणामकारक नसते. अशा परिस्थितीत शेतकरी निंबोळीपासून सेंद्रिय कीटकनाशके तयार करू शकतात. उन्हाळी हंगामात कडुलिंबाच्या झाडावरून निंबोळी पडू लागते, जी शेतकरी गोळा करून वाळवू शकतात, त्यापासून आपण सेंद्रिय कीटकनाशके तयार करू शकतो. ज्याचा चांगला फायदा देखील होतो.
सेंद्रिय कीटकनाशके तयार करण्यासाठी कोणते साहित्य लागते?
हे सेंद्रिय कीटकनाशक बनवण्यासाठी तुम्हाला आवश्यक असणारे घटक म्हणजे, 5 किलो निंबोळी, 20 लिटर कोमट पाणी, 200 मिली लिक्विड डिटर्जंट आणि फिल्टरिंगसाठी सुती कापड. या प्रक्रियेत आपल्याला एक गोष्ट लक्षात ठेवावी लागेल, जर तुम्हाला या कीटकनाशकाची पिकावर फवारणी करायची असेल तर फवारणीच्या एक दिवस आधी कडुलिंबाचे तेल तयार करा. तर तुम्हला याचा चांगला फायदा होईल.
हे करण्यासाठी प्रथम निंबोळी पावडर बनवा. आता त्यात कोमट पाणी घालून चांगले मिसळा. मिक्स केल्यानंतर हे द्रावण रात्रभर असेच ठेवावे. रात्रीच्या वेळी अधूनमधून द्रावण ढवळत राहिल्यास ते अधिक चांगले होईल. दुसऱ्या दिवशी सकाळी हे द्रावण सुती कापडाने गाळून घ्या. आता या द्रावणात लिक्विड डिटर्जंट घाला आणि चांगले मिसळा. त्यानंतर हे तयार होईल. त्यानंतर तुम्ही याची फवारणी करू शकता.
