Business Idea : तुम्हालाही कोंबडी, बदक किंवा गिनी फाउल पालन सुरू करायचे असेल, तर तुमच्यासाठी एक उत्तम संधी आहे. केंद्रीय पक्षी संशोधन संस्था प्रशिक्षण कार्यक्रम आयोजित करते. यंदासुद्धा प्रशिक्षणासाठी रजिस्ट्रेशन सुरु करण्यात आले असून उद्यापासून यास सुरुवात होणार आहे. सध्या अनेकजण कुकुटपालन व्यवसाय करत आहेत. मात्र अपुऱ्या माहितीच्या आधारे किंवा कोणतेही प्रशिक्षण न घेता व्यवसायाची सुरवात केल्यास अयशस्वी होण्याची जास्त शक्यता असते. तेव्हा तुम्ही हा व्यवसाय करण्याचा विचार करत असाल तर या संधीचा फायदा घ्या.
चला तर जाणून घेऊया प्रक्रिया काय आहे ?
अनेक तरुणांना पोल्ट्रीशी संबंधित व्यवसाय सुरू करायचा आहे, परंतु माहितीच्या अभावामुळे ते व्यवसाय सुरू करू शकत नाहीत. अनेकवेळा ते सुरूही होते, मात्र योग्य माहिती नसल्यामुळे त्यांनाही तोटा सहन करावा लागतो. यापार्श्वभूमीवर ICAR कडून विशेष प्रशिक्षणाचे आयोजन करण्यात आले आहे. ICAR-केंद्रीय पक्षी संशोधन संस्था, बरेली, उत्तर प्रदेश, पाच दिवसीय कुक्कुटपालन प्रशिक्षण कार्यक्रमाचे आयोजन करत आहे. या प्रशिक्षण कार्यक्रमात संस्थेचे अनुभवी शास्त्रज्ञ ब्रॉयलर, लेयर, टर्की, बटेर, देशी कुक्कुटपालन व संबंधित विषयांवर माहिती देतील. ज्यांना लहान प्रमाणात कुक्कुटपालन सुरू करायचे आहे त्यांच्यासाठी हा कार्यक्रम योग्य संधी आहे.
पोल्ट्री युनिट सुरू करण्यासाठी आवश्यक व्यवस्थापन तंत्र, आहार व्यवस्थापन, पक्ष्यांच्या रोगांवर आयुर्वेदिक उपचार, मार्केटिंग, विमा, पोल्ट्री उत्पादनांवर प्रक्रिया करण्याचे तंत्रज्ञान इत्यादींचे सविस्तर प्रशिक्षण दिले जाईल. यासोबतच विविध बँकांकडून कर्ज घेण्यासाठी सविस्तर प्रकल्प अहवाल आणि शासकीय योजना तयार करण्याबाबतही माहिती देण्यात येणार आहे. या प्रशिक्षण कार्यक्रमाच्या शेवटी, प्रशिक्षणार्थींना प्रमाणपत्र देखील दिले जाईल, ज्याच्या मदतीने ते पोल्ट्री व्यवसाय सुरू करण्यासाठी बँकांकडून कर्ज घेऊ शकतात.
प्रशिक्षण कार्यक्रमासाठी इच्छुक उमेदवार ही लिंक (https://forms.gle/uE8GZxSgPTGaf3Nc8) क्लिक करून नोंदणी करू शकता. क्लिक केल्यावर, नोंदणी फॉर्म उघडेल, जो भरून सबमिट करावा लागेल. यासाठी उमेदवाराचे जीमेल खाते आवश्यक आहे. फॉर्म भरण्यापूर्वी, प्रशिक्षण शुल्क संस्थेच्या वेबसाइटद्वारे भरायचे आहे.
https://cari.icar.gov.in/payment.php वर प्रदान केलेल्या पेमेंट गेटवेद्वारे आणि पावतीची सॉफ्ट कॉपी नोंदणी फॉर्ममध्ये अपलोड करावी लागेल.
नोंदणी फॉर्ममध्ये तुमचा पासपोर्ट आकाराचा फोटो, आधार कार्ड, शिक्षण प्रमाणपत्र (अंतिम वर्ग/पदवी) जात प्रमाणपत्र (केवळ SC आणि ST साठी) च्या सॉफ्ट कॉपी तयार करा आणि अपलोड करा. त्यानंतर नोंदणी फॉर्म भरा आणि सबमिट करा. यानंतर तुम्हाला ईमेलद्वारे प्रशिक्षणाची लिंक पाठवली जाईल. प्रशिक्षण शुल्क सर्वसाधारण आणि मागासवर्गीयांसाठी १००० रुपये आणि अनुसूचित जाती आणि अनुसूचित जमातींसाठी ६०० रुपये ठेवण्यात आले आहे. कुक्कुटपालन प्रशिक्षण कार्यक्रम २१ ते २५ ऑगस्ट दरम्यान चालणार आहे.