हॅलो कृषी ऑनलाईन : राज्यातील अनेक भागांमध्ये यावर्षी दुष्काळी परिस्थिती असल्याने, अनेक भागांमध्ये भीषण पाणी टंचाई (Dam Storage) आहे. त्यातच सध्या राज्यातील सर्व लहान-मोठ्या धरणांमध्ये एकत्रितपणे केवळ 57.00 टक्के पाणीसाठा शिल्लक असल्याचे सरकारी आकडेवारीतून समोर आले आहे. मागील वर्षी याच कालावधीत राज्यातील सर्व धरणांमध्ये 81.66 टक्के इतका पाणीसाठा शिल्लक होता. यावर्षी मराठवाडा विभागातील (औरंगाबाद) सर्व धरणांमध्ये सध्या सर्वात कमी 33.39 टक्के पाणीसाठा शिल्लक आहे. जो मागील वर्षी याच कालावधीत 81.61 टक्के (Dam Storage) इतका होता. त्यामुळे मराठवाड्यात सध्या पाण्याची भीषण टंचाई जाणवत आहे.
विभागनिहाय पाणीसाठा (Dam Storage In Maharashtra)
सध्यस्थितीमध्ये कोकण विभागातील धरणांमध्ये 72.66 टक्के पाणीसाठा (Dam Storage) आहे. जो मागील वर्षी याच कालावधीत 79.01 टक्के इतका होता. नागपूर विभागातील धरणांमध्ये सध्या 64.52 टक्के पाणीसाठी शिल्लक आहे. जो मागील वर्षी याच कालावधीत 76.87 टक्के इतका होता. अमरावती विभागातील धरणांमध्ये 66.86 टक्के पाणीसाठी शिल्लक आहे. जो मागील वर्षी याच कालावधीत 83.22 इतका होता. नाशिक विभागातील धरणांमध्ये 61.20 टक्के पाणीसाठी शिल्लक आहे. जो मागील वर्षी याच कालावधीत 86.76 टक्के इतका होता. पुणे विभागातील धरणांमध्ये 58.08 टक्के पाणीसाठा शिल्लक आहे. जो मागील वर्षी याच कालावधीत 81.41 टक्के इतका होता. औरंगाबाद विभागातील धरणांमध्ये सर्वात कमी म्हणजे 33.39 टक्के पाणीसाठा शिल्लक आहे. जो मागील वर्षी याच कालावधीत 81.61 टक्के इतका होता.
प्रमुख धरणांमधील पाणीसाठा
खाली दिलेली कंसाबाहेरील आकडेवारी ही धरणांमधील आजच्या पाणीसाठ्याची टक्केवारी असून, कंसात दिलेली आकडेवारी ही मागील वर्षी याच कालावधीत असलेल्या त्या-त्या धरणातील पाणीसाठ्याची टक्केवारी दर्शविते.
नागपूर विभागातील धरणे
- गोसीखुर्द प्रकल्प 54.42 (54.87)
- कामठी खैरी 47.88 (71.97)
- तोतलाडोह 69.92 (81.05)
- लोअर वर्धा 72.18 (79.78)
अमरावती विभागातील धरणे
- काटेपूर्णा 46.29 (74.11)
- अप्पर वर्धा 72.76 (79.97)
- नळगंगा 38.49 (75.40)
- बेंबळा 42.55 (68.55)
औरंगाबाद विभागातील धरणे
- जायकवाडी 40.91 (89.87)
- माजलगाव 6.20 (88.36)
- सिद्धेश्वर 36.96 (34.17)
- नागझरी 56.32 (100.00)
- लोअर दुधना 17.81 (65.14)
नाशिक विभागातील धरणे
- भंडारदरा 60.33 (98.42)
- गंगापूर 67.14 (86.30)
- गिरणा 42.46 (93.75)
- दारणा 52.81 (93.38)
- चणकापूर 79.22 (82.46)
पुणे विभागातील धरणे
- खडकवासला 54.37 (61.73)
- टेमघर 13.62 (55.32)
- मुळशी 73.22 (77.34)
- कोयना 71.08 (82.97)
- उजनी 1.70 (100.00)
कोकण विभागातील धरणे
- मध्य वैतरणा 23.48 (42.20)
- मोडकसागर 62.11 (75.88)
- तानसा 70.91 (84.99)
- भातसा 73.12 (80.09)
- घाटघर 68.29 (76.42)
