Dragon Fruit : फळे आणि भाज्या हे उत्तम आरोग्याचे रहस्य आहे. सफरचंद, केळी, आंबा, पेरू यांसारखी फळे आपण खात राहतो, पण सर्व गुण सर्वच फळांमध्ये मिळत नाहीत, काही फळे खाल्ल्याने आपल्या शरीराला चांगले फायदे होतात मात्र काही फळांचे सेवन केल्यास आपल्या शरीराला फायदा होत नाही. यामध्येच आता आम्ही तुम्हाला अशा फळाबद्दल माहिती सांगणार आहोत ज्याचे सेवन केल्यास तुमच्या शरीरास चांगले फायदे होतात.
एक फळ असे आहे ज्यामध्ये अनेक गुण आहेत जे आरोग्यासाठी खूप फायदेशीर आहेत. हे फळ दुसरे तिसरे कोणते नसून ड्रॅगन फ्रूट आहे. ड्रॅगन फ्रूट खाणे जितके चवदार आहे तितकेच ते शरीरासाठी फायदेशीर देखील आहे. ड्रॅगन फ्रूटचा बाहेरील थर लाल रंगाचा असतो आणि आतील लगदा पांढरा किंवा गुलाबी असतो. त्यात जीवनसत्त्वे, खनिजे, प्रथिने, फायबर, कॅरोटीन आणि अँटीऑक्सिडंट्स भरपूर प्रमाणात असलेले पौष्टिक घटक असतात, जे आपल्या शरीराच्या विविध कार्यांसाठी उपयुक्त असतात. आपल्याकडे अनेकजण ड्रॅगन फ्रूटची शेती करून लाखो रुपये कमवत आहेत. चालतर मग जाणून घेऊया ड्रॅगन फ्रूटचे आरोग्यदायी फायदे.
हे आहेत ड्रॅगन फ्रूटचे फायदे
- ड्रॅगन फ्रूटमध्ये व्हिटॅमिन सी, लोह, कॅल्शियम आणि फॉस्फरस यासारखे महत्त्वाचे पोषक घटक असतात.
- हे फळ अँटीऑक्सिडंट्सने समृद्ध आहे जे शरीरातील फ्री रॅडिकल्स नष्ट करतात.
- ड्रॅगन फ्रूटमध्ये आहारातील फायबर असते जे पचनास मदत करते आणि बद्धकोष्ठतेपासून आराम देते.
- हे कमी-कॅलरी आणि उच्च फायबर आहे, म्हणून ते वजन कमी करण्यास मदत करू शकते.
- महत्वाचं म्हणजे ड्रॅगन फ्रूटचे सेवन केल्यास मधुमेहाचे परिणाम नियंत्रित करू शकते.
- ड्रॅगन फ्रूटमध्ये ओमेगा -3 आणि ओमेगा -9 फॅटी ऍसिड असतात जे हृदयाच्या आरोग्यासाठी चांगले असतात.
- व्हिटॅमिन सी आणि अँटीऑक्सिडंट्सच्या उपस्थितीमुळे, ते त्वचा निरोगी ठेवते आणि लवकर वृद्धत्वाची चिन्हे टाळते.
ड्रॅगन फ्रूटच्या शेतीतून शेतकरी कमावू शकताय लाखो रुपये
तुम्ही देखील ड्रॅगन फ्रूट लागवडीचा विचार करत असाल तर त्यासाठी तुम्हाला सरकार अनुदान देखील देत आहे. त्यामुळे याबाबतची माहिती कृषी विभागाकडून घेऊन तुम्ही याची लागवड करून चांगले पैसे कमावू शकता. त्याचबरोबर hello Krushi हे अँप मोबाईलमध्ये डाउनलोड करून तुम्ही याबाबतची सविस्तर माहिती घेऊ शकता. त्याचबरोबर या अँपच्या माध्यमातून सरकारी अनुदानासाठी देखील अर्ज करता येतो. त्यामुळे तुम्ही जर शेतकरी असाल तर लगेचच Hello Krushi हे अँप मोबाईलमध्ये डाउनलोड करा.
