हॅलो कृषी ऑनलाईन: वाळवंटाचे नाव ऐकताच (Farmer Success Story) विस्तीर्ण वाळूच्या ढिगाऱ्यांचे चित्र डोळ्यासमोर येते, बहुतेकांना त्यात शेती करणे अवघड वाटत असेल. मात्र प्रत्यक्षात असेही शेतकरी आहेत जे वाळवंटातही मेहनतीने किमया करून दाखवतात.
असाच एक शेतकरी आहे ज्याने वाळवंटात तैवानी पेरूची (Taiwan guava) लागवड करू दाखवली आहे. राजस्थान मधील नागौरच्या खिंवसर भागातील या शेतकऱ्याचे नाव आहे लिहमाराम.
लिहमाराम यांनी यूट्यूबवरून तैवानी पेरूच्या लागवडीसंबंधी माहिती घेऊन तैवानी पेरूची लागवड करण्यास सुरुवात केली आणि आज त्यांना त्यातून चांगला नफा मिळत आहे (Farmer Success Story).
तैवानच्या पेरूची लागवड कशी सुरू केली (Guava Cultivation)
शेतकरी लिहमाराम यांनी आपल्या मेहनतीने रेताड जमिनीवर पेरूची लागवड करून सर्वांनाच चकित केले. त्यांनी तैवानच्या गुलाबी पेरू जातीची सुंदर बाग लावली आहे. त्यामुळे त्यांना दरवर्षी चांगले उत्पन्न मिळत आहे. 2020 मध्ये कोरोना संसर्गाचा आजार सुरू असताना त्यांनी या तैवानच्या गुलाबी पेरूच्या बागेची लागवड केली (Farmer Success Story). पेरूची लागवड करणे सोपे काम नव्हते कारण त्यांच्या शेताची माती वालुकामय होती आणि आणि पाण्याची कमतरता सुद्धा होती. मात्र असे असतानाही शेतकरी लिहमाराम यांनी हार न मानता रेताड जमिनीवर तैवानी पेरूचे रोपटे लावले आणि त्यांची योग्य ती काळजी घेतली. त्यांची मेहनत फळाला आली आणि आज ते या पेरूच्या बागेतून चांगले उत्पन्न घेत आहेत.
पेरूची रोपे कुठून घेतलीत? (Farmer Success Story)
2020 मध्ये तैवानच्या गुलाबी पेरूची लागवड सुरू करण्यासाठी त्यांनी लखनऊ येथून पेरूच्या या जातीची रोपे खरेदी केल्याचे शेतकरी लिहमाराम यांनी सांगितले. त्यांनी तेथून सुमारे 200 पेरूची रोपे खरेदी केली. एका रोपाची किंमत 140 रुपये होती. एकूण घेतलेल्या रोपांपैकी 150 झाडे व्यवस्थित वाढू शकली त्यामुळे दरवर्षी लिहमारामला चांगले उत्पन्न मिळत आहे.
पेरू बागेचे उत्पन्न किती? (Farmer Success Story)
शेतकरी लिहमाराम यांनी 2022 साली पेरूच्या एका झाडापासून तीन किलो पेरू मिळवले होते. मात्र यंदा एका झाडातून 10 किलो पेरू सापडले आहेत. अशाप्रकारे त्यांनी यावर्षी सुमारे 1500 किलो पेरूची विक्री करून चांगली कमाई केली आहे. शेतकऱ्यांच्या मते, तैवानच्या गुलाबी पेरूचे उत्पादन येत्या काही वर्षांत आणखी वाढेल, ज्यामुळे त्यांना आणखी जलद उत्पन्न मिळेल.
तैवानच्या पेरूमध्ये काय खास आहे? (Taiwan Pink)
हा पेरू पिकल्यानंतर गुलाबी रंगाचा होतो, म्हणून याला तैवानी गुलाबी पेरू म्हणतात. या प्रजातीचा पेरू खायला चविष्ट असतो. या जातीच्या झाडाला एक फूट उंचीवर फळे येऊ लागतात. विशेष बाब म्हणजे या प्रजातीच्या पेरूच्या झाडाला 12 महिने फळे येतात. या जातीच्या झाडाला वर्षातून तीनदा फळे येतात. जर आपण उत्पादनाबद्दल बोललो तर, तैवानच्या गुलाबी पेरू जातीच्या एका झाडापासून एका वर्षात सुमारे 30 ते 40 किलो फळे मिळू शकतात.
बाजारात तैवानच्या पेरूची किंमत काय आहे? (Taiwan Guava Rate)
जर आपण तैवानच्या गुलाबी पेरूच्या किमतीबद्दल बोललो तर त्याची किंमत बाजारात सामान्य पेरूपेक्षा जास्त आहे. बाजारात तैवानच्या पेरूची किंमत 70 रुपये ते 125 रुपये प्रति किलोपर्यंत आहे. त्यानुसार याच्या लागवडीतून शेतकऱ्यांना चांगला नफा (Farmer Success Story) मिळू शकतो.
