हॅलो कृषी ऑनलाईन: सरासरीपेक्षा कमी पावसामुळे भारताचे तांदूळ उत्पादन (India Rice Production) आठ वर्षांत प्रथमच वर्ष 2023/24 मध्ये घटणार असल्याचा अंदाज सरकारकडून व्यक्त करण्यात येत आहे. नवी दिल्लीने जुलैमध्ये नॉन-बासमती पांढऱ्या तांदळाच्या निर्यातीवर बंदी घातल्यानंतर, जागतिक किमती वाढल्याने जगातील सर्वात मोठ्या निर्यातदारांकडून तांदळाच्या उत्पादनावर बारकाईने लक्ष ठेवले जात आहे. याउलट गव्हाचे उत्पादन (Wheat Production) एक वर्षापूर्वीच्या तुलनेत 1.3 टक्क्यांनी वाढण्याची अपेक्षा आहे, असे सरकारने गुरुवारी एका निवेदनात म्हटले आहे.
जून ते पीक वर्षात तांदूळ उत्पादन (India Rice Production)123.8 दशलक्ष मेट्रिक टनांपर्यंत घसरण्याची अपेक्षा आहे, तर गव्हाचे उत्पादन 112 दशलक्ष टनांपर्यंत वाढण्याची शक्यता आहे, जे मागील वर्षी 110.6 दशलक्ष टन होते, असे कृषी आणि शेतकरी कल्याण मंत्रालयाने म्हटले आहे.
कमी तांदूळ उत्पादनामुळे अन्नधान्याच्या किमतींवर अंकुश ठेवण्यासाठी धान्याच्या निर्यातीवर निर्बंध घातले आहे. निवडणुकीच्या पार्श्वभूमीवर पंतप्रधान नरेंद्र मोदी सरकारकडून हे निर्बंध वाढण्याची शक्यता व्यक्त करण्यात येत आहे.
थायलंड, व्हिएतनाम, पाकिस्तान आणि म्यानमार यांसारख्या प्रमुख तांदूळ-निर्यात करणाऱ्या देशांमधील निर्यातीसाठी उपलब्ध कमी संसाधने यामुळे जागतिक पातळीवर ही परिस्थिती आणखी गुंतागुंतीची होण्याची शक्यता आहे (India Rice Production).
