हॅलो कृषी । सरकार नेहमी शेतकऱ्यांसाठी काही ना काही स्कीम घेऊन येत असते. त्यामागे त्यांचा एकच हेतू असतो की शेतकऱ्यांचा फायदा व्हावा. ह्या वेळी राज्य शासनाने अशीच एक सुविधा शेतकऱ्यांसाठी उपलब्ध केली आहे. राज्य शासनाने महाडीबीटी पोर्टलमध्ये बियाणांचा अनुदानामध्ये समावेश केला आहे. त्या अनुदानासाठी अर्ज करण्याकरिता आज (14 मे) ही शेवटची तारीख होती ती आता वाढून 20 मे करण्यात आली आहे. अनुदान मिळण्यासाठी शेतकऱ्यांना ऑनलाईन अर्ज करावा लागतो आहे. आपण जर अजून अर्ज केला नसेल तर आम्ही तुम्हाला ती प्रक्रिया सांगणार आहोत. त्यानुसार तुम्ही घरबसल्या अर्ज करू शकता.
महाडीबीटी पोर्टलवर अनेक योजना एकाच ठिकाणी मिळत असतात. म्हणजे, महाडीबीटी पोर्टलवर ‘अर्ज एक शेतकरी अनेक’ ही रचना राबवली जात आहे. यामुळे सगळ्या योजना या शेतकर्यांना एकाच ठिकाणी मिळतील. आता ह्या सगळ्या योजनांमध्ये बियाण्याचा देखील समावेश केला गेला आहे. यामध्ये सोयाबीन, भात, तूर, मूग, उडीद, मका, बाजरी यांची बियाणे अनुदान तत्वावर शेतकऱ्यांना मिळत आहेत. प्रत्येक जिल्ह्यासाठी वेगवेगळे बियाणांवर अनुदान असणार आहे. मका आणि बाजरीस 100 रुपये तर सोयाबीनसाठी 12 रुपये अनुदान असणार आहे.
शेतकरी हा अर्ज भरण्यासाठी स्वतःचा मोबाईल, लॅपटॉप किंवा गावातील सायबर कॅफे यातील काहीही वापरू शकतात. फॉर्म भरण्यासाठी सगळ्यात आधी mahadbtmahait.gov.in ह्या संकेतस्थळाला भेट द्यावी लागेल. तिथे गेल्यावर शेतकरी योजना यावर क्लिक करा. तिथे क्लिक केल्यास नवीन विंडो ओपण होईल तिथे आपली सगळी माहिती भरा. आणि फॉर्म सबमिट करा. एका शेतकऱ्याला 2 हेक्टर पर्यंत बियाण्यावर सूट मिळू शकते.
शेती विषयक बातम्या, शासकीय योजना, महत्वाची माहिती मोबाईलवर मोफत मिळवण्यासाठी आमचा WhatsApp ग्रुप आजच Join करा👇🏼👇🏼👇🏼*
https://chat.whatsapp.com/GkHDokKFuPu1dQERW7Urj7
