Onion Rate : या जिल्ह्यामध्ये कांद्याला मिळतोय चांगला भाव; जाणून घ्या तुमच्या जिल्ह्यातील आजचे बाजारभाव

Onion Rate : मागच्या काही दिवसापासून कांदा उत्पादक शेतकरी चांगलेच अडचणीत सापडले आहेत. कांद्याला म्हणावा असा भाव मिळत नसल्याने शेतकरी हतबल आहेत. सरकारने अनुदानाची घोषणा केली मात्र अजूनही शेतकऱ्यांच्या खात्यावर कांद्याचे अनुदान जमा झाले नसल्याने कांदा उत्पादक शेतकरी चिंतेत आहेत. शेतात इतर गोष्टींची पेरणी करण्यासाठी पैसे लागतात मात्र हे पैसे आणायचे कुठून अजूनही कांदा अनुदान बँक खात्यामध्ये जमा झाले नसल्याचे शेतकऱ्यांचे म्हणणे आहे.

रोजचे बाजारभाव मोबाईलवर मिळवण्यासाठी येथे क्लिक करून App डाउनलोड करा

सध्या अहमदनगर (Ahmednagar) जिल्ह्यासह अन्य बाजार समितीत कांद्याची आवक सुरूच आहे. शनिवारी झालेल्या लिलावात नगर आणि संगमनेर बाजार समितीमध्ये कांदा दरामध्ये काहीही सुधारणा झाल्याची पाहायला मिळाली आहे. यामुळे कांदा उत्पादक शेतकऱ्यांना काहीसा दिलासा मिळाला आहे.

अहमदनगर जिल्ह्यातील कांदादराबाबत पाहिले तर सध्या अहमदनगर जिल्ह्यात एक नंबरच्या कांद्याला २ हजार रुपयांपर्यंत दर मिळत आहे. नगर जिल्ह्यामध्ये कांदा दरात चढ उतार होत असल्याचे आपल्याला पाहायला मिळत आहे. कांदा दरात सुधारणा होईल अशा आशेने बऱ्याच शेतकऱ्यांनी कांदा वखारीमध्ये साठवून ठेवला आहे. मात्र म्हणावा तसा दर अजूनही मिळत नाही.

दरम्यान, शनिवारी झालेल्या लिलावात मात्र प्रतिक्विंटल मध्ये शंभर ते दोनशे रुपयांची सुधारणा झाल्याची पहायला मिळाली आहे. त्यामुळे आगामी काळात कांद्याचे दर वाढतील अशी आशा शेतकऱ्यांना लागली आहे.

अहमदनगर येथील दादा पाटील शेळके कृषी उत्पन्न बाजार समितीमध्ये शनिवारी जवळपास ७८ हजारगोण्यांची आवक झाली. यावेळी एक नंबरच्या कांद्याला १७०० ते २१०० रुपयापर्यंत प्रतिक्विंटल दर मिळाला तर दोन नंबरच्या कांद्याला ११०० ते १७०० रुपये असा दर मिळाला आणि तीन नंबरच्या कांद्याला ५०० ते १०० रुपयापर्यंत दर मिळाला. कांद्याच्या दरातील ही झालेली काहीही सुधारणा शेतकऱ्यांसाठी दिलासदायक आहे . कारण की इथून मागे कांद्याचे दर एकदम स्थिर होते मात्र आता आगामी काळात कांद्याचे दर वाढतील अशी आशा शेतकऱ्यांना लागली आहे.

संगमनेर कृषी उत्पन्न बाजार समितीमध्ये देखील कांद्याच्या दरात सुधारणा

नगर बरोबरच संगमनेर कृषी उत्पन्न बाजार समिती देखील एक नंबर कांद्याला किमान १६०० ते कमाल २००० रुपये प्रतिक्विंटल बाजार भाव मिळाला आहे. त्याचबरोबर दोन नंबर कांद्याला १२०० ते १५०० आणि तीन नंबर कांद्याला ८०० ते १०० रुपये बाजार भाव मिळाला असल्याची माहिती समोर आली आहे.

या ठिकाणी पहा कांद्याचे अचूक बाजार भाव

शेतकरी मित्रांनो सध्या कांद्याच्या दरामध्ये चढ-उतार होताना पाहायला मिळत आहे. मात्र कोणत्या दिवशी कांद्याला किती भाव मिळतोय हे जर तुम्हाला अचूक पद्धतीने पाहिजे असेल तर आत्ताच Hello Krushi हे ॲप तुमच्या मोबाईल मध्ये डाऊनलोड करा. यामध्ये तुम्ही बाजारभाव या ठिकाणी जाऊन कांद्याचे दर अगदी अचूकपणे पाहू शकता. कांद्याचे दरच नव्हे तर तुम्ही इतर पालेभाज्या किंवा इतर शेतमालाचे देखील दर यामध्ये पाहू शकता तेही अगदी मोफत. त्यामुळे प्लेस्टोर वर जाऊन लगेचच Hello Krushi हे ॲप इन्स्टॉल करा.

शेतमाल : कांदा

दर प्रती युनिट (रु.)