Success Story : लोकांना असे वाटते की डाळिंब शेतीतून सर्वाधिक उत्पन्न मिळते, पण तसे नाही. जर तुम्ही केळीची शेती केली तर तुम्हाला भरपूर नफा मिळू शकतो. यासाठी तुम्हाला थोडी मेहनत करावी लागेल. आज आपण अशा व्यक्तीबद्दल बोलणार आहोत ज्याने डाळिंबाची शेती सोडून केळी पिकाची शेती सुरू केली. त्यानंतर त्याचे नशीब बदलले. आता त्यांना केळीच्या शेतीतून वर्षाला लाखो रुपयांचे उत्पन्न मिळत आहे.
एक रोप लावण्यासाठी १२५ रुपये खर्च येतो, असे शेतकरी प्रताप लेंडवे सांगतात. अशा प्रकारे एक एकरात केळीची लागवड करण्यासाठी दीड लाख रुपये खर्च करावे लागतात. तर प्रताप ६ एकरात केळी पिकाची लागवड केली आहे. यासाठी त्यांना नऊ लाख रुपये खर्च करावे लागले. परंतु, खर्च वजा करून त्यांना ८१ लाख रुपयांचा नफा झाला.
प्रताप लेंडवे हे महाराष्ट्रातील सांगोला येथील रहिवासी आहेत. विशेष म्हणजे सांगोला हे गाव डाळिंब लागवडीसाठी प्रसिद्ध आहे. येथील डाळिंबालाही जीआय टॅग मिळाला आहे. असे असतानाही प्रताप लेंडवे हे डाळिंबाऐवजी केळीची शेती करत आहेत. केळीच्या शेतीतून अवघ्या ९ महिन्यांत ९० लाख रुपये कमावल्याचे शेतकरी सांगतात.
नफा खर्चापेक्षा कमी होता
प्रताप लेंडवे यांनी सांगितले की, पूर्वी ते डाळिंबाची शेती करायचे. पण खर्चापेक्षा नफा कमी होता. अशा परिस्थितीत मित्रांच्या सल्ल्याने त्यांनी केळीची शेती सुरू केली. सांगोला तालुक्यातील हळदहीवाडी येथे प्रताप यांचे शेत आहे. येथेच ते केळीची लागवड करतात. जम्मू-काश्मीरमधील व्यापाऱ्यांना ३५ रुपये किलो दराने केळी विकल्याचे त्यांनी सांगितले आहे. त्यामुळे त्यांना ६ एकरातून ९० लाख रुपयांचे उत्पन्न मिळाले.
एका एकरात मिळाले ५० टन केळीचे उत्पादन
प्रताप लेंडवे हे ६ एकर क्षेत्रात केळीची लागवड करतात. त्यांच्या शेतातील केळीचा दर्जा इतका चांगला आहे की, व्यापारी स्वतः शेतात येऊन त्यांच्याकडून केळी खरेदी करतात. शास्त्रोक्त पद्धतीने केळीची लागवड केल्याचे प्रताप लेंडवे सांगतात. तसेच पिकांना ठिबक सिंचनाद्वारे पाणी दिले जाते. याचा फायदा त्यांना झाला आणि चांगले उत्पन्न मिळाले. त्यांच्या मते एका केळीच्या घडाचे वजन ५५ ते ६० किलो असते. यामुळेच प्रताप यांना एका एकरात ५० टन केळीचे उत्पादन मिळाले. अशा प्रकारे ९ महिन्यांत १४ लाख रुपये प्रति एकर दराने केळी विकून ९० लाख रुपये कमावले.
