हॅलो कृषी ऑनलाईन :शेतकऱ्यांसहित राज्यातील सर्व जनता सध्या थंडीचा अनुभव घेत आहे. नोव्हेंबर च्या शेवटी आणि डिसेंबर च्या सुरवातीला अवकाळी पावसाने शेतकऱ्यांना नाकी नऊ आणले. आता भारतीय हवामान खात्याने पुन्हा पाऊस पडणार असल्याचा अंदाज वर्तवलाय.
24 Dec: राज्यात 28 डिसेंबरला औरंगाबाद, जालना,जळगाव,गोंधीया,भंडारा,वर्धा,नागपूर, अमरावती,अकोला जिल्ह्यांत;तुरळक ठिकाणी विजांच्या कडकडाटासह,हलका ते मध्यम पाऊस व वारा (30-40 किमी ताशी) शक्यता.
27 ला विर्दभात तुरळक ठिकाणी हलका पावसाची
शक्यता.
– IMD
Pl watch for updates.— K S Hosalikar (@Hosalikar_KS) December 24, 2021
हवामान खात्याने महाराष्ट्रात पाऊस पडू शकतो. असा अंदाज वर्तवला आहे. 28 डिसेंबर रोजी औरंगाबाद, जालना,जळगाव,गोंधीया,भंडारा,वर्धा,नागपूर, अमरावती,अकोला जिल्ह्यांत या जिल्ह्यांमध्ये विजांच्या कडकडाटासह हलका ते मध्यम पाऊस पडू शकतो, तर 27 डिसेंबर रोजी विदर्भाच तुरळक प्रमाणात पाऊस पडेल, असा अंदाज हवामान खात्याने वर्तवला. याबाबत IMD कडून हवामानाचे ताजे अपडेट जाहीर करण्यात आले आहेत.
येत्या 4-5 दिवसात राज्यातील थंडी कमी होणार
राज्यातील विदर्भ आणि उत्तर महाराष्ट्रातील भागात थंडी मध्ये वाढ झाली आहे. तसेच दिवसातील तापमानात देखील घट होताना दिसत आहे. राज्यातील काही भागांमध्ये किमान तापमान 12 अंशांच्या खाली घसरले आहे. दरम्यान राज्यात येत्या चार-पाच दिवसांत तापमानात हळूहळू वाढ होण्याची शक्यता हवामान विभागाने वर्तवली आहे. तसेच हिवाळ्याची तीव्रता देखील कमी होण्याची शक्यता आहे.
हवामान तज्ञ के एस होसाळीकर यांनी दिलेल्या माहितीनुसार महाराष्ट्र राज्यात येत्या चार-पाच दिवसात तापमानात हळूहळू वाढ होण्याची शक्यता वर्तवण्यात आली आहे. तसेच त्याची तीव्रता देखील कमी असेल अशी माहिती भारतीय हवामान विभागाने दिली असल्याची त्यांनी सांगितले आहे.
दरम्यान आज सकाळी दिनांक 24 डिसेंबर रोजी नांदेड येथे 13.8 जालना येथे 13.3,सोलापूर येथे 13,परभणी 13.5,कोलाबा इथं 20,सांताक्रूझ 18.4 औरंगाबाद येथे 13.5, कोल्हापुर 16.6, पुणे येथे 12.4, रत्नागिरी येथे 17.1, डहाणू इथं 17.3, जळगाव 10.5, जेऊर 12, मालेगाव 13.2, ठाणे येथे 20.2,. उस्मानाबाद येथे 13.9, नाशिक 12, बारामती 13.3, सातारा येथे 15.2,माथेरान 16.1 आणि सांगलीत 15.2 तर महाबळेश्वर येथे 14.4 अंश सेल्सिअस तापमानाची नोंद करण्यात आली आहे.
मुंबईत सकाळच्या वेळेत गारवा जाणवतो आहे. आज सकाळी दिनांक 24 डिसेंबर रोजी पुण्यात नोंदवल्या गेलेल्या तापमानानुसार शिरूर येथे सर्वात कमी 10.1 अंश सेल्सिअस तापमानाची नोंद करण्यात आली आहे. तर आज जास्तीत जास्त तापमान पुण्यामध्ये जवळपास 30 अंशांपर्यंत असेल अशी माहितीही हवामान तज्ञ केस होसाळीकर यांनी दिली आहे.
