Tomato Rate : टोमॅटोचे दर अजून वाढले, 22 किलोचा क्रेट विकला जातोय 2500 रुपयांपर्यंत

Tomato Rate : सध्या टोमॅटोच्या दराने उच्चांकी गाठली आहे. त्यामुळे शेतकरी (Farmer) आनंदात असून शहरी भागात राहणाऱ्या लोकांचे बजेट कोलमडले आहे. टोमॅटोचे दर हा विषय संपूर्ण देशातच चर्चेचा विषय बनला आहे. टोमॅटोचे दर दररोज नवा आकडा गाठत आहेत. दरम्यान, हिमाचल प्रदेशातील काही शहरांमध्ये 22 किलोच्या टोमॅटोच्या क्रेटचा भाव अडीच हजार रुपयांपर्यंत पोहोचला आहे. त्याचबरोबर किरकोळ बाजारात टोमॅटोचा भाव 200 रुपये किलोपर्यंत आहे. त्यामुळे अनेक शेतकरी मालामाल झाले आहेत.

पावसामुळे महाग झालेल्या भाज्या सर्वसामान्यांच्या ताटापासून दूर जात आहेत. अनेकजणांच्या भाजीतून टोमॅटो गायब झाला आहे. टोमॅटो उत्पादक शेतकऱ्यांना तर टोमॅटोची राखण करावी लागत आहे. टोमॅटोचे दर वाढल्यामुळे चोरटयांनी देखील धुमाकूळ घातला आहे. बऱ्याच ठिकाणी टोमॅटो चोरीला गेल्याच्या देखील घटना घडल्या आहेत. (Tomato Rate 🙂

तुम्हाला जर रोजचे बाजारभाव चेक करायचे असतील तर आम्ही तुम्हाला एक सोपी गोष्ट सांगणार आहोत. यामुळे तुम्हाला सोप्या पद्धतीने बाजारभाव चेक करता येतील. तुम्हाला पहिल्यांदा प्ले स्टोअरवर जावे लागेल त्या ठिकाणी Hello Krushi असे सर्च करून अँप इंस्टाल करावे लागेल. हे अँप इंस्टाल झाल्यावर तुम्ही रोजचे बाजारभाव अगदी मोफत पाहू शकता. त्याचबरोबर सरकारी योजनांची माहिती, हवामान अंदाज आणि अन्य कृषीबद्दल माहिती तुम्ही या अँपमधून जाणून घेऊ शकता. त्यामुळे लगेचच Hello Krushi हे अँप डाउनलोड करा.

मागच्या महिनाभरापासून टोमॅटोचे भाव वाढत आहेत. महागड्या टोमॅटोमुळे स्वयंपाकघराचे बजेट वाढले आहे. हिमाचल प्रदेशातील बाल्ह व्हॅली भागात टोमॅटोचा 22 किलोचा क्रेट 2,500 रुपयांपर्यंत विकला जात आहे. त्याचबरोबर उंच हायब्रीड टोमॅटो दोन हजार रुपये प्रति क्रेट दराने विकला जातोय. पिकांचे नुकसान झाल्याने टोमॅटोचे भाव वाढले आहेत असे कृषी तज्ञ सांगत आहेत. ३० टक्क्यांहून अधिक टोमॅटोचे पीक नष्ट झाल्याचे कृषी तज्ज्ञांचे म्हणणे आहे.

भाववाढीमुळे शेतकऱ्यांचे नुकसान तर भरून निघेलच, शिवाय अतिरिक्त नफा देखील मिळेल. शेतकऱ्याचे म्हणणे आहे की, पूर्वी हा क्रेट जास्तीत जास्त 1800 रुपयांपर्यंत विकला जात होता, मात्र आता तो 2600 रुपयांपर्यंत विकला जात आहे.

शेतमाल : टोमॅटो (Tomato Rate)

दर प्रती युनिट (रु.)