Turmeric Rate : हळदीचे दर भिडले गगनाला, मिळतोय सोन्याचा भाव; काय आहे दर? जाणून घ्या एका क्लिकवर

Turmeric Rate : महाराष्ट्रातील हिंगोली जिल्ह्यांमध्ये हळदीचे सर्वात जास्त उत्पादन घेतले जाते. मात्र या ठिकाणी जास्त उत्पादन घेतले जात असले तरी इतर जिल्ह्यांमध्ये देखील हळद पिकाकडे शेतकऱ्यांचा कल वाढत चालला आहे. दरम्यान संपूर्ण भारताच्या इतिहासामध्ये पहिल्यांदा वसमतच्या कृषी उत्पन्न बाजार समितीमध्ये हळदीला सर्वात जास्त भाव मिळाला आहे. ३० हजार रुपये प्रतिक्विंटल इतका भाव हळदीला मिळाला आहे. त्यामुळे हळद उत्पादक शेतकऱ्यांमध्ये आनंदाचे वातावरण पाहायला मिळत आहे. तसेच हळदीचे भाव भविष्यामध्ये अजून वाढण्याची शक्यता देखील वर्तविण्यात येत आहे.

वसमतच्या कृषी उत्पन्न बाजार समितीमध्ये बाराही महिने हळदीची विक्री होत असते. अनेक शेतकरी या ठिकाणी आपली हळद विकण्यासाठी घेऊन येत असतात. दरम्यान या बाजार समितीमध्ये परभणीच्या दिग्रस येथील शेतकऱ्याने हळद विकण्यासाठी ११ पोती आणले होते. यावेळी त्यांच्या हळदीला जवळपास 30 हजार रुपये प्रति क्विंटल इतका भाव मिळाला आहे. त्यामुळे शेतकऱ्यांमध्ये आनंदाचे वातावरण निर्माण झाले आहे. भारताच्या इतिहासातील हा सर्वात जास्त भाव मानला जात आहे. (Turmeric price)

हळदीचे भाव वाढण्याचे कारण काय?

मागच्या पाच ते सात वर्षापासून हळदीला फक्त चार ते पाच हजार रुपये इतकाच भाव मिळत होता. त्यामुळे अनेक शेतकऱ्यांनी हळद लागवडीकडे पाठ फिरवली होती, त्यामुळे हळद बाजारात कमी येऊ लागली परिणामी हळदीला जास्त दर मिळत असल्याचे दिसत आहे. माहितीनुसार, राज्यामध्ये जवळपास 30 टक्के हळद लागवडीचे क्षेत्र घटले आहे त्यामुळे हळदीला चांगला भाव मिळत असल्याचे बोलले जात आहे.

इथे पहा हळदीचा बाजार भाव

तुम्हाला जर हळदीचा बाजारभाव पाहायचा असेल तर आत्ताच प्ले स्टोअर वर जा आणि Hello Krushi असे सर्च करा. हे सर्च केल्यानंतर तुम्ही तुमच्या मोबाईल मध्ये Hello Krushi चे ॲप इंस्टॉल करा ॲप इंस्टॉल केल्यानंतर ते ओपन करा आणि त्यामध्ये बाजार भाव हा ऑप्शन सिलेक्ट करा. बाजारभाव हा ऑप्शन सिलेक्ट केल्यानंतर तुम्ही त्या ठिकाणी हळदीचा बाजार भाव पाहू शकतात त्याचबरोबर अन्य शेतमालाचे देखील तुम्ही बाजारभाव पाहू शकता त्यामुळे लगेचच Hello Krushi हे ॲप इन्स्टॉल करा.

हळदी पासून अनेक औषध रंग त्याचबरोबर मसाले देखील मोठ्या प्रमाणात बनवले जातात. त्यामुळे हळदीची मागणी दरवर्षी मोठ्या प्रमाणात असते. मात्र यावर्षी शेतकऱ्यांनी हळद लागवडीकडे पाठ फिरवली असल्यामुळे हळदीच्या उत्पादनात मोठ्या प्रमाणात घट झाली आहे . त्यामुळे हळदीचे भाव वाढले आहेत आणि हे भाव भविष्यात देखील असेच कायम राहू शकतात असा देखील अंदाज वर्तवला आहे.

शेतमाल : हळद/ हळकुंड

दर प्रती युनिट (रु.)

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
05/08/2023
बसमत (कुरुंडा)	लोकल	क्विंटल	928	10785	24000	14000
लोहा	राजापुरी	क्विंटल	19	6969	14500	12300
04/08/2023
भोकर	—	क्विंटल	2	7000	7000	7000
हिंगोली	—	क्विंटल	2500	14000	17300	15650
वाशीम	लोकल	क्विंटल	3000	9800	16500	10000
मुंबई	लोकल	क्विंटल	40	14000	16000	15000
बसमत	लोकल	क्विंटल	2394	12100	30000	21050
सेनगाव	लोकल	क्विंटल	100	10000	14500	11000
सांगली	राजापुरी	क्विंटल	871	8300	20100	14200
लोहा	राजापुरी	क्विंटल	10	5000	13600	12325