हॅलो कृषी ऑनलाईन : शेतकरी मित्रांनो हंगामामध्ये सर्वात चांगला दर मिळालेले पीक म्हणजे कापसाचे पीक होय. कापसाच्या पिकाला मागील अनेक वर्षांचे रेकॉर्डब्रेक करत या वर्षी तब्बल 13 हजार रुपये प्रति क्विंटल इतका भाव मिळवला. त्यामुळे सहाजिकच कापूस उत्पादक शेतकऱ्यांमध्ये समाधानाचे वातावरण आहे. आतादेखील सध्याचे बाजार भाव बघता कापसाच्या दरातील तेजी कायम आहे.
आज सायंकाळी चार वाजेपर्यंत प्राप्त झालेल्या बाजारभावानुसार आज अमरावती कृषी उत्पन्न बाजार समितीमध्ये कमाल 12 हजार रुपयांचा कमाल भाव कापसाला प्रति क्विंटल साठी मिळाला आहे. दिनांक वीस एप्रिल चे भाव पाहिले असता सिंधी (सेलू) कृषी उत्पन्न बाजार समितीमधील लांब स्टेपल कापसाला तब्बल बारा हजार पाचशे सत्तर रुपये प्रति क्विंटल साठी भाव मिळाला आहे. तर राज्यातल्या विविध बाजार समित्यांमध्ये सध्या कापसाला सर्वसाधारण भाव हा दहा हजार ते अकरा हजार रुपयांपर्यंत मिळतो आहे.
आयात शुल्क हटवल्याची धाकधूक
केंद्र सरकारने कापसावरील आयात शुल्क हटवल्यामुळे कापसाच्या दरावर परिणाम होईल की काय ? अशी भीती शेतकऱ्यांमधून व्यक्त केली जात होती. तर दुसरीकडे या निर्णयाचे स्वागत अवघ्या टेक्सटाइल इंडस्ट्री मधून केले जात आहे. त्यामुळे सुती कपडे स्वस्त होण्याची देखील चिन्हे आहेत. मात्र शेतकऱ्याचं काय? असा प्रश्न राज्यातल्या तमाम शेतकऱ्यांच्या मनात आहे. मात्र सध्याचे दर पाहता कापसाचे दर हे कमाल 12 हजार 500 रुपयांपर्यंत आहेत. त्यामुळे अद्याप तरी या निर्णयाचा कोणताही परिणाम कापसाच्या दरावर झालेला दिसून येत नाहीये.
(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )
कापूस बाजारभाव
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 21/04/2022 | ||||||
| अमरावती | — | क्विंटल | 195 | 9000 | 12000 | 10500 |
| 20/04/2022 | ||||||
| अमरावती | — | क्विंटल | 205 | 9000 | 12000 | 10500 |
| समुद्रपूर | — | क्विंटल | 340 | 8000 | 12200 | 9850 |
| आर्वी | एच-४ – मध्यम स्टेपल | क्विंटल | 415 | 9500 | 12200 | 11000 |
| जामनेर | हायब्रीड | क्विंटल | 18 | 9500 | 11500 | 11200 |
| कळमेश्वर | हायब्रीड | क्विंटल | 741 | 9500 | 11800 | 10500 |
| उमरेड | लोकल | क्विंटल | 623 | 9500 | 12150 | 12050 |
| वरोरा | लोकल | क्विंटल | 187 | 7500 | 12000 | 11000 |
| सिंदी(सेलू) | लांब स्टेपल | क्विंटल | 1720 | 9500 | 12570 | 11690 |
| हिंगणघाट | मध्यम स्टेपल | क्विंटल | 3000 | 8500 | 12310 | 9670 |
| वर्धा | मध्यम स्टेपल | क्विंटल | 300 | 8200 | 12300 | 10500 |
| 19/04/2022 | ||||||
| अमरावती | — | क्विंटल | 235 | 9000 | 12000 | 10500 |
| समुद्रपूर | — | क्विंटल | 615 | 8500 | 12500 | 9800 |
| आर्वी | एच-४ – मध्यम स्टेपल | क्विंटल | 348 | 10000 | 12600 | 11000 |
| जामनेर | हायब्रीड | क्विंटल | 34 | 10100 | 12000 | 11590 |
| कळमेश्वर | हायब्रीड | क्विंटल | 475 | 10500 | 12000 | 11200 |
| उमरेड | लोकल | क्विंटल | 421 | 9700 | 12300 | 12200 |
| वरोरा | लोकल | क्विंटल | 98 | 8000 | 12200 | 11000 |
| वरोरा-माढेली | लोकल | क्विंटल | 222 | 8200 | 12200 | 10200 |
| सिंदी(सेलू) | लांब स्टेपल | क्विंटल | 1920 | 9400 | 12680 | 11680 |
| परभणी | मध्यम स्टेपल | क्विंटल | 200 | 9100 | 12400 | 11900 |
| हिंगणघाट | मध्यम स्टेपल | क्विंटल | 4329 | 8500 | 12430 | 9280 |
| वर्धा | मध्यम स्टेपल | क्विंटल | 250 | 8400 | 12300 | 10200 |
| पुलगाव | मध्यम स्टेपल | क्विंटल | 1540 | 8700 | 12480 | 9800 |
