नवी दिल्ली वृत्तसंस्था: केंद्र सरकारने शेतकऱ्यांकरिता अनेक योजना काढल्या आहेत. सध्या केंद्र सरकारच्या PM-KISAN योजने अंतर्गत प्रत्येक वर्षी शेतकऱ्यांच्या खात्यात 6000 जमा केले जातात. मात्र पीएम शेतकरी सन्मान निधी योजना (PM-KISAN) आणि पीएम शेतकरी मानधन योजना (PM Kisan Mandhan) या योजनांच्या अंतर्गत देखील शेतकऱ्यांच्या खात्यावर जमा केले जाऊ शकतात
काय आहे पंतप्रधान शेतकरी मानधन योजना
-जर तुम्ही पीएम-शेतकरी सन्मान निधी योजनेचे खातेधारक असाल तर तुमची नोंदणी कोणत्याही कागदपत्रांशिवाय पंतप्रधान शेतकरी मानधन या योजनेसाठी होईल.
-एवढेच नव्हे तर या पेन्शन योजनेसाठी तुमचे योगदान देखील सन्मान निधी योजनेच्या पैशातून कापले जाईल.
-शेतकऱ्यांना दर चार महिन्यांनी दोन हजार रुपये आणि वयाच्या साठाव्या वर्षानंतर दरमहा 3000 रुपये पेन्शन मिळेल.
काय आहे प्रक्रिया ?
– या योजनेकरिता अधिकाधिक 2400 रुपयांचं योगदान करावं लागेल
– या योजनेअंतर्गत शेतकऱ्यांना वयाच्या साठाव्या वर्षानंतर निवृत्तीवेतन मिळण्याची व्यवस्था केली आहे.
-या योजनेमध्ये 18 ते 40 वयोगटातील कोणताही शेतकरी सहभागी होऊ शकतो.
-वयानुसार यामध्ये योगदान करावं लागेल. त्यानंतर तुम्हाला साठाव्या वर्षानंतर दरमहा 3000 रुपये मिळतील.
-याकरता प्रत्येक शेतकऱ्याच्या वयानुसार, दर महिन्याचं योगदान कमीत कमी 55 ते जास्तीत जास्त 200 रुपये आहे.
-अर्थात कमीत कमी 660 रुपये वार्षिक तर जास्तीत जास्त 2400 रुपये वार्षिक भरावे लागतील.
-ज्याची 2 हेक्टर किंवा त्यापेक्षा कमी जमीन शेती आहे त्यांना योजनेचा लाभ घेता येईल
जितके तुम्ही जमा कराल तितके सरकार जमा करेल
किसान निवृत्तीवेतन योजनेतील नियमांनुसार, जर एखादा शेतकरी (ज्याची 2 हेक्टर किंवा त्यापेक्षा कमी जमीन शेती आहे) 18 वर्षे वयाचा असेल तर, त्याला दरमहा 55 किंवा वर्षाकाठी 660 रुपये जमा करावे लागतील. यानंतर वयाची 60 वर्षे पूर्ण केल्यावर त्याला दरमहा 3000 रुपये पेन्शन मिळेल. सरकारने सर्व वयोगटातील शेतकऱ्यांसाठी निश्चित केलेली रक्कम दरमहा आणि वार्षिक जमा करावी. म्हणजेच, जर आपण 25 वर्षांचे असाल तर आपल्याला या योजनेंतर्गत किती पैसे जमा करावे लागतील, याबद्दल योजनेत माहिती दिली गेली आहे. विशेष म्हणजे आपण या योजनेत जेवढे पैसे जमा कराल, तितकेच सरकारही जमा करेल.
या योजनेची अधिक माहिती मिळवण्यासाठी तुम्ही www.pmkisan.gov.in या संकेतस्थळाला भेट देऊ शकता. किंवा अर्ज करण्याकरिता maandhan.in या संकेतस्थळावर भेट देऊन अर्ज करू शकता.