हॅलो कृषी ऑनलाईन : शेती व्यतिरिक्त पशुपालन हा शेतकऱ्यांचा आवडता व्यवसाय आहे. या सगळ्यात आजकाल खेड्यापाड्यातील लोक बदक पालनाकडे वळत आहेत. बदक पालन व्यवसाय हा कोंबड्या पाळण्यापेक्षा अधिक नफा देणारा व्यवसाय आहे असे म्हंटले जाते. बदकांमध्ये रोगांचा धोका कमी असल्याचे तज्ज्ञांचे म्हणणे आहे. अशा परिस्थितीत या व्यवसायात नुकसान होण्याची शक्यता कमी असते. तसेच, हे पक्षी कोणत्याही हवामानाशी जुळवून घेऊ शकतात. याशिवाय त्यांच्या खाण्यावर फारसा खर्च होत नाही. पाण्यात राहणारे कीटक, लहान मासे, बेडूक इत्यादी त्यांचा आहार असतो.
बदक एका क्रमामध्ये सुमारे 40-50 अंडी घालते. प्रत्येक अंड्याचे वजन सुमारे 15 ते 20 ग्रॅम असते. अंड्याचे कवच खूप जाड असते त्यामुळे अंडी फुटून खराब होण्याचा धोका कोंबडीच्या अंड्याच्या तुलनेत कमी असतो. बदक पालनासाठी जास्त जागा लागत नाही. तुम्ही जवळच्या तलावातही बदके पाळू शकता.
बदकाच्या अंड्याची किंमत बाजारात खूप जास्त आहे. अशा परिस्थितीत, आपण ते विकून चांगला नफा मिळवू शकता. याशिवाय बदकाच्या मांसाची मागणीही लोकांमध्ये जास्त आहे. तज्ज्ञ इंडियन रनर आणि कॅम्पल व्हेनच्या बदकांचे संगोपन करण्याची जोरदार शिफारस करतात. बदकांच्या या दोन जाती इतर जातींपेक्षा जास्त अंडे देते. जास्त अंडी दिल्याने नफाही जास्त होतो. याशिवाय, त्यांची उच्च श्रेणीतील जातींपैकी एक म्हणून या जातींची गणना केली जाते.
