शेळी पालन करण्यासाठी राज्य सरकार देते अनुदान, जाणून घ्या ऑनलाईन अर्ज प्रक्रिया

हॅलो कृषी ऑनलाईन : शेती बरोबरच आजकाल अनेक शेतकरी पशुपालनाचा व्यवसाय करतात. त्यातही अनेक शेतकऱ्यांचा कल शेळीपालनाकडे दिसतो. आजच्या लेखात आपण शेळी पालनाकरिता शासकीय योजना कोणती आहे? त्यासाठीची पात्रता , कागदपत्रे, अर्ज करण्याची पद्धत याविषयी माहिती करून घेऊया…

शेळीपालन योजनेद्वारे राज्यातील खेडोपाडी वसलेल्या व्यक्तींना रोज़गार उपलब्ध व्हावा हा मुख्य उद्देश आहे. खादी ग्रामोद्योग व संबंधित संस्थांकडून शेळी पालन संबंधित सर्व माहिती जसे की बकरीच्या जाती, त्यांची वैशिष्ट्ये, आहार, त्यांना राहण्यासाठी शेड आणि रोग आणि उपचारांविषयी अचूक माहिती तुम्हाला सांगतील. शेळी पालन 2021 या योजनेसाठी सरकार कडून अनुदान देखील मिळत असते. परंतु अर्जदारस त्यासाठी पात्र असावे लागते. बकरी पालन-पोषण करण्याचा सर्वात मोठा फायदा म्हणजे स्थानिक बाजारपेठ यासाठी उपलब्ध आहे. ज्यामुळे मालाला बाजाराचा त्रास होत नाही.महाराष्ट्र सरकारने शेळी पालन करण्यासाठी 5 ते 6 लाख रुपयांचे अनुदान देखील जाहीर केले आहे.

शेळी पालन योजना 2021 साठी पात्रता

–लाभार्थ्याकडे मॉडेल प्रोजेक्ट अहवाल असावा – त्यामध्ये बकरी विकत घेतल्याबद्दल बकरीची खरेदी किंमत, घर खर्च आणि लाभांश दर्शविला जाणे आवश्यक आहे.

–जमीन – 100 बकर्‍यांसाठी 9000 चौ.मी. असावी अर्ज करताना, जमीन भाड्याची पावती / एलपीसी / लीज कागदपत्रे, जागेचा नकाशा तुमच्या जवळ असणे आवश्यक आहे.

–रक्कम – लाभार्थ्याला त्याच्या वतीने दोन लाख रुपये गुंतवावे लागतील. जर शेतकरी कर्ज घेण्यास तयार असेल तर त्याच्याकडे 1 लाख रुपयांचा चेक / पासबुक / एफडी किंवा कर्ज घेण्यासाठी इतर कोणत्याही प्रकारचे पुरावे असले पाहिजेत.

शेळी पालन योजना 2021 साठी आवश्यक कागदपत्रे

–आधार कार्ड,
–पॅनकार्ड,
–अर्जदाराचे छायाचित्र,
–रहिवासी दाखला,
–जात प्रमाणपत्र.

‘शेळी पालन योजना 2021’ या योजनेचा ऑनलाईन अर्ज कसा कराल जाणून घ्या

–सर्वप्रथम तुम्हाला पुण्यश्लोक अहिल्या देवी महाराष्ट्र मेंढी आणि शेली विकास महामंडळाच्या अधिकृत वेबसाइटवर जावे लागेल. ( http://mahamesh.co.in/ )
–आता वेबसाईटचे मुखपृष्ठ उघडेल.
–येथे तुम्हाला महामेश योजनेचा पर्याय दिसेल, तुम्हाला या पर्यायावर क्लिक करावे लागेल.
–तुम्ही क्लिक करताच वेबसाइटचे एक नवीन पान उघडेल, येथे तुम्हाला अर्ज अर्जदार लॉगिनचा पर्याय दिसेल.
–हा ऑप्शन ऑप्शन उघडताच तुम्हाला तुमचा आधार क्रमांक टाकावा लागेल आणि माहिती प्रविष्ट करावी लागेल.
–त्यानंतर लॉगिन पर्यायावर क्लिक करा. त्यानंतर वेबसाईटचे एक नवीन पान उघडेल.
–अर्जामध्ये दर्शविण्यात आलेल्या मुद्द्यांबाबतची माहिती अर्जदारांनी काळजीपूर्वक भरावी.
–प्रत्येक मुद्द्याची माहिती भरून झाल्यावर SAVE चे बटण दाबावे म्हणजे भरलेली माहिती SAVE होईल.
–त्यानंतर त्याच अर्जामध्ये योजने मधील कोणत्या उपघटकामध्ये लाभ घ्यावयाचा आहे त्याची निवड करण्यात यावी.
–अर्ज सबमीट झाल्यानंतर “Application Form is submitted successfully” असा मेसेज आल्यानंतरच अर्जदाराचा अर्ज निवडीकरिता सादर झाल्याचे समजावे.
–त्यानंतर “View receipt” या बटनावर क्लिक केल्यास अर्जाची पावती अर्जदारास दिसेल, त्याची प्रिंट काढून घ्यावी.

नमुना अर्ज : https://www.yojanahindipm.in/wp-content/uploads/2021/05/Sheli-Palan-Yojana-Application-form-PDF-Download.pdf