हॅलो कृषी ऑनलाईन : शेतकऱ्यांसाठी आजचा श्रावण सोमवारचा दिवस अतिशय शुभ जाणार आहे. कारण आज पंतप्रधान नरेंद्र मोदी P M KISAN योजनेचा नववा हप्ता शतकऱ्यांच्या खात्यात जमा केला आहे. हा कार्यक्रम आज दुपारी बारा वाजून 30 मिनिटांनी सुरू झाला. व्हिडीओ कॉन्फरन्सद्वारे पंतप्रधान नरेंद्र मोदी यांनी बटन दाबून तब्बल 19 हजार 500 कोटी रुपये थेट देशातील 9. 75 करोड शेतकरी लाभार्थ्यांच्या खात्यामध्ये जमा केले आहेत. यावेळी पंतप्रधान नरेंद्र मोदी, केंद्रीय कृषिमंत्री नरेंद्र सिंग तोमर तसेच अन्य मान्यवरांची उपस्थिती होती.
मोदी सरकार तर्फे चालवल्या जाणाऱ्या सर्वाधिक महत्तवाकांक्षी योजनेपैकी P M KISAN योजना ही आहे. या योजनेद्वारे शेतकऱ्यांना वर्षाकाठी 6000 रुपये 2000च्या तीन हप्त्यांमध्ये थेट खात्यात जमा केले जातात. साध्याची कोरोना परिस्थिती आणि वातावरणातील बदल यामुळे शेतकऱ्यांना या योजनेच्या हप्त्याची मोठी प्रतीक्षा असते.
https://www.facebook.com/hellokrushi/videos/633065194343536/
या योजनेचा लाभ कुणाला मिळत नाही ?
–पीएम किसान सन्मान योजनेत सरकारी कर्मचारी किंवा प्राप्तिकर भरणारे शेतकरी पात्र मानले जात नाहीत.
–याशिवाय दहा हजार रुपयांपेक्षा जास्त पेन्शन मिळणारे डॉक्टर, अभियंता, सीए आणि कर्मचारीही पीएम किसान योजनेचा लाभ घेऊ शकत नाहीत.
–खासदार आणि आमदारांनाही पंतप्रधान किसान योजनेचा लाभ मिळत नाही.
–आतापर्यंत देशातील 11.82 कोटी शेतकर्‍यांना या योजनेचा लाभ मिळाला आहे.
–केंद्र सरकारने असे म्हटले आहे की वार्षिक 6 हजार रुपये त्याच शेतकर्‍यांच्या खात्यात वर्ग केले जातील, ज्याच्या नावावर शेती असेल..
