हॅलो कृषी ऑनलाईन : PM किसान सन्मान निधीचा 11 वा हप्ता येणार आहे. याची कोट्यवधी शेतकरी आतुरतेने वाट पाहत आहेत. मात्र, या योजनेशी संबंधित एक नियम बदलला आहे. आता या योजनेचे पैसे मिळवण्यासाठी तुम्हाला तुमचा आधार देखील अपडेट करावा लागेल. हे ई-केवायसी किंवा आधार अपडेट करण्याची शेवटची तारीख ३१ मार्च आहे. याआधी, तुम्हाला तुमचा आधार अपडेट करावा लागेल अन्यथा 11 वा हप्ता येणार नाही.
खरं तर, कृषी आणि शेतकरी कल्याण मंत्रालयाने म्हटले आहे की पेमेंटची पद्धत आता खाते मोडमधून आधार मोडमध्ये बदलली जाणार आहे. त्यामुळे आधार अपडेट करणे आवश्यक आहे. 12 कोटींहून अधिक शेतकरी पीएम किसान सन्मान निधीमध्ये सामील झाले आहेत. पीएम किसान पोर्टलवर ई-केवायसी सुरू झाले आहे. पुढचा हप्ता कोणत्याही अडथळ्याशिवाय घ्यायचा असेल तर ३१ मार्चपर्यंत नक्कीच पूर्ण करा.
याप्रमाणे ई-केवायसी पूर्ण करा
–यासाठी सर्वप्रथम तुम्ही https://pmkisan.gov.in/ पोर्टलवर जा.
–उजव्या बाजूला तुम्हाला असे टॅब दिसतील. सर्वात वर तुम्हाला eKYC लिहिलेले दिसेल. त्यावर क्लिक करा
–आता तुमचा आधार क्रमांक टाका आणि सर्च बटणावर क्लिक करा
–आधारशी लिंक केलेला मोबाईल नंबर एंटर करा आणि OTP टाका
–जर सर्व काही ठीक झाले तर eKYC पूर्ण होईल अन्यथा Invalid येईल.
–असे झाल्यास तुमचा हप्ता हँग होऊ शकतो. तुम्ही ते आधार सेवा केंद्रावर दुरुस्त करून घेऊ शकता.
या योजनेत 12.48 कोटीहून अधिक शेतकऱ्यांची नोंदणी
पंतप्रधान किसान सन्मान निधी योजनेअंतर्गत देशातील १२.४८ कोटींहून अधिक शेतकरी नोंदणीकृत आहेत. उर्वरित लाभार्थ्यांच्या खात्यात 31 मार्चपर्यंत 10 व्या हप्त्यासह डिसेंबर-मार्चचा हप्ता येणे सुरू राहील. पीएम किसान पोर्टलवर दिलेल्या ताज्या आकडेवारीनुसार, आतापर्यंत ही रक्कम 10.22 कोटी शेतकऱ्यांच्या खात्यात पोहोचली आहे. तरीही कोट्यवधी शेतकरी यापासून वंचित आहेत.
