हंगामाच्या अंतिम टप्प्यात तुरीचा बोलबाला, साठवणूक केलेल्या शेतकऱ्यांची चांदी

हॅलो कृषी ऑनलाईन : शेतकरी मित्रानो सध्याचे तुरीचे दर पाहता तुरीच्या भावात विक्रमी वाढ झाल्याचे दिसून येत आहे. हंगामाच्या शेवटी तुरीला मिळणाऱ्या दराने सोयाबीनला देखील मागे टाकले असून सध्या तुरीला ८५०० क्विंटल भाव मिळत आहे. एव्हढेच नव्हे तर पुढे देखील तुरीचे दर चढेच राहणार असल्याची शक्यता आहे. तर दुसरीकडे खरिपातील मुख्य पीक असलेल्या सोयाबीनच्या दरात घसरण ही सुरुच आहे. 7 हजार 300 वर गेलेले सोयाबीन आता 6 हजार रुपये क्विंटल असे विकले जात आहे.

संपूर्ण हंगामात 6 हजार 300 या हमीभावापेक्षा अधिकचा दर तुरीला मिळालेला नव्हता. अखेर नाफेडची केंद्र बंद झाली तरी दरातील घसरण सुरुच होती. शिवाय तुरीची आयात सुरु असतानाही दर वाढले हे विशेष. वाढती मागणी आणि घटलेले उत्पादन यामुळे तुरीच्या दरात वाढ होत आहे. गेल्या महिन्यात तुरीचे दर हे 7 हजार 500 होते तर आता 8 हजार 500 येऊन ठेपले आहेत.

साठवणूक केलेल्या शेतकऱ्यांची चांदी

खरीप हंगामातील तुरीची काढणी होताच राज्यात नाफेडच्या माध्यमातून खरेदी केंद्र सुरु करण्यात आली होती. या खरेदी केंद्रावर तुरीला 6 हजार 300 असाच दर ठरवून देण्यात आला होता. खरेदी केंद्रावरील आणि बाजारपेठेतील दर हे सरासरीपेक्षा कमीच असल्याने शेतकऱ्यांनी तूर साठवणुकीवर भर दिला गेला होता. ज्या शेतकऱ्यांना साठा करुन ठेवला त्या शेतकऱ्यांची आता चांदी होत आहे. तब्बल 2 हजाराहून अधिकचा दर मिळत असल्याने शेतकऱ्यांमध्ये समाधान आहे.

आजचे तूर बाजारभाव

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
08/08/2022
कारंजा	—	क्विंटल	370	7400	8500	8050
मंगळवेढा	—	क्विंटल	1	6010	6010	6010
मोर्शी	—	क्विंटल	51	7300	7550	7425
लातूर	लाल	क्विंटल	889	6700	8800	8000
अकोला	लाल	क्विंटल	1006	6300	8335	7755
यवतमाळ	लाल	क्विंटल	17	7300	7800	7550
मालेगाव	लाल	क्विंटल	23	4000	6999	6000
चिखली	लाल	क्विंटल	15	6051	7501	6776
नागपूर	लाल	क्विंटल	256	7200	8152	7914
वाशीम	लाल	क्विंटल	600	7600	8500	8000
चाळीसगाव	लाल	क्विंटल	3	6980	7199	7000
मलकापूर	लाल	क्विंटल	273	7000	8630	7900
दुधणी	लाल	क्विंटल	355	8000	8530	8300
माजलगाव	पांढरा	क्विंटल	40	6500	7950	7700
बीड	पांढरा	क्विंटल	43	6491	7961	7425
गेवराई	पांढरा	क्विंटल	49	5800	7801	7600