हॅलो कृषी ऑनलाईन : शेतकरी मित्रांनो सध्या कापसाला १० हजारहून अधिक दर प्रति क्विंटल साठी मिळतो आहे. असे काय घडले आहे की कापसाचा दर वधारला आहे ? तर त्याचे पहिले कारण आहे ‘आवक’ यंदाच्या वर्षी सोयाबीन आणि कापूस या दोन पिकांची साठवणूक शेतकऱ्यांनी केली आणि हळूहळू ही दोन्ही उत्पादने बाजारात आणली त्यामुळे आवक रोखून धरल्याने कापूस आणि सोयाबीन दर हे चांगले आहेत असे तज्ञांचे मत आहे. सोयाबिनदेखील सध्या ६ हजारांवर खेळतो आहे. त्यामुळे सोयाबिन आणि कापसाच्या दराकरिता शेतकऱ्यांचे धोरण महत्वाचे ठरले आहे.
कापसाच्या बाबतीत विचार करायचं झालं तर शेतकरी सहकारी जिनिंग प्रोसेस मध्ये दररोज सरासरी 700 ते 800 क्विंटल कापसाची आवक होत असून गतवर्षी हे प्रमाण तिप्पट चौपट होते अशी माहिती सूत्रांनी दिली आहे. कापसाला उतारा बघून भाव दिला जातो. एक क्विंटल मध्ये 35 ते 36 किलो रुई चा उतारा येतो तर 62 63 किलो सरकी निघते. रुई व सरकी चे प्रमाण प्रति क्विंटल मध्ये 35 ते 65 असे असायला पाहिजे खरीदार हे प्रमाण बघून भाव निश्चित करीत असे. उतारा काढताना पाच क्विंटल मध्ये एक गाठ असा काढण्यात येतो व त्यास खर्च येतो आठशे रुपये या खर्चात त्याला क्विंटल मागे 62 किलो सरकी व 35 किलो रुई मिळते. रुईला दोनशे रुपये किलो तर सरकीला 40 किलो भाव घाऊक बाजारात आहे. या सर्वाचा पूर्ण लाभ जिनिंग प्रोसेस चालवणाऱ्या खरेदीदारांना होतो. फायद्याचे हे अर्थकारण शेतकऱ्यांना समजल्यानंतर त्यांनी खरेदीदारांना अडवून भाव वाढ होण्यास भाग पाडले. त्यामुळे सध्या कापसाला चढे दर मिळू लागलेत.
अवकाळीचा कापसाला फटका
यंदाच्यावर्षी अवकाळी पावसाने मोठा खोडा घातला. ढगाळ वातावरण पाऊस यामुळे कापूस पिकामध्ये बोंड आळीचा प्रादुर्भाव वाढला. त्यामुळे पिकाची उत्पादकता सरासरी ३०-४० टक्क्याने घसरली असा कृषी खात्याचा अहवाल आहे. त्यामुळे त्याचा परिणाम कापसाच्या एकूण आवकेवर झाला. आवक कमी असल्याने भावात वाढ झाल्याचे पहायला मिळते आहे.
आजचे 06/01/2022 कापूस बाजारभाव
शेतमाल | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
---|---|---|---|---|---|---|
06/01/2022 | ||||||
अमरावती | — | क्विंटल | 95 | 9500 | 9700 | 9600 |
हिंगोली | — | क्विंटल | 40 | 9549 | 9699 | 9624 |
सेलु | — | क्विंटल | 3621 | 8100 | 10000 | 9840 |
किनवट | — | क्विंटल | 413 | 8100 | 9810 | 9700 |
आष्टी- कारंजा | — | क्विंटल | 210 | 9500 | 9650 | 9600 |
आष्टी (वर्धा) | ए.के.एच. ४ – लांब स्टेपल | क्विंटल | 320 | 9600 | 9700 | 9650 |
जामनेर | हायब्रीड | क्विंटल | 136 | 8000 | 9025 | 8500 |
अकोला | लोकल | क्विंटल | 37 | 9600 | 9600 | 9600 |
अकोला (बोरगावमंजू) | लोकल | क्विंटल | 144 | 9200 | 10000 | 9800 |
देउळगाव राजा | लोकल | क्विंटल | 3000 | 9250 | 9635 | 9450 |
परभणी | मध्यम स्टेपल | क्विंटल | 1100 | 8800 | 9460 | 9400 |
पुलगाव | मध्यम स्टेपल | क्विंटल | 2800 | 9000 | 9821 | 9500 |