यंदा ज्वारीचा कमी क्षेत्रावर पेरा ; ज्वारीचे दर वाढण्याची शक्यता…!

हॅलो कृषी ऑनलाईन : सध्या राज्यात रब्बी पिकांच्या कापणीने वेग घेतला आहे. त्यातच सध्या राज्यात ढगाळ हवामान आणि काही भागात अवकाळी पाऊस होत आहे. त्यामुळे रब्बी पिकांच्या काढणीला वेग आला आहे. ज्वारी पिकाची देखील काढणी सुरु असून सध्या मजुरांची मोठी टंचाई जाणवत आहे. यंदा शेतकऱ्यांनी पारंपरिक पिकांना फाटा देत कडधान्य लागवडीवर भर दिला आहे. त्यामुळे ज्वारीला चांगला दर मिळेल अशी शेतकऱ्यांना आशा आहे. खरेतर ज्वारी हेच रब्बीचे पारंपरिक मुख्य पीक आहे. मात्र यंदा या पिकाची जागा हरभरा आणि सोयाबीनने घेतली आहे. त्यामुळे ज्वारीचे उत्पादन घटण्याची शक्यता व्यक्त करण्यात येत आहे.

ज्वारीच्या दरात वाढ होण्याची शक्यता
ज्वारी पेरणीपासून काढणी पर्यंतचे कष्ट आणि बाजारात मिळणारे कवडीमोल दर यामुळे ज्वारीच्या उत्पादनात मोठी घट झाली आहे. यंदा तर सरासरीपेक्षा कमी क्षेत्रावर ज्वारीचा पेरा झाला आहे. त्यामुळे उत्पादनात घट ही निश्चित मानली जात असून घटत्या उत्पादनामुळे किमान यंदा तरी अधिकचे दर मिळतील अशी आशा शेतकऱ्यांना आहे. सध्या बाजारपेठेत ज्वारी 2 हजार 500 ते 3 हजार रुपये दर मिळत आह.

काय आहेत ज्वारीचे सध्याचे बाजारभाव ?