हॅलो कृषी ऑनलाईन : देशात उसाची लागवड मोठ्या प्रमाणावर केली जाते. भारत ऊस उत्पादनात जगात दुसऱ्या क्रमांकावर आहे. ऊस लागवडीतून शेतकऱ्यांना जास्त उत्पादन मिळते, पण कधीकधी उसाच्या पिकात अनेक प्रकारचे रोग आढळतात.यामुळे शेतकऱ्यांना मोठा त्रास सहन करावा लागत आहे. अशा परिस्थितीत आम्ही ऊस लागवड करणाऱ्या शेतकऱ्यांसाठी एक अतिशय खास माहिती घेऊन आलो आहोत.
पंतनगरच्या गोविंद बल्लभ पंत कृषी आणि तंत्रज्ञान विद्यापीठाच्या कृषी शास्त्रज्ञांनी अलीकडेच उसाच्या तीन जाती विकसित केल्या आहेत. या जातींचे सर्वात मोठे वैशिष्ट्य म्हणजे त्यांच्यात रोग आणि कीटकांशी लढण्याची क्षमता चांगली आहे. या जातीमुळे शेतकऱ्यांना चांगले आणि जास्त उत्पादन मिळू शकते. पंतनगर विद्यापीठाच्या कृषी शास्त्रज्ञांनी विकसित केलेल्या वाण म्हणजे
१)अगेती ऊस (पंत 12221),
२)सामान्य ऊस (पंत 12226)
३)पंत 13224
जाणून घेऊया याची वैशिष्ट्ये
१)पंत 12221-उसाच्या या जातीचे मूल्यमापन कृषी शास्त्रज्ञांनी केले आहे, ज्यामध्ये असे आढळून आले आहे की ऊस लागवड करणाऱ्या शेतकऱ्यांना या जातीपासून चांगले उत्पादन मिळेल. या जातीमध्ये उत्तम रस गुणवत्ता देखील मिळू शकते. ही गोष्ट शेतकरी आणि साखर उद्योगासाठी चांगली मानली जाते.
२)पंत 12226 -ऊसाची ही जात रोगांशी लढण्यास सक्षम आहे. त्याचप्रमाणे त्याची उत्पादन क्षमता खूप चांगली मानली जाते. ही लवकर पिकणारी वाण आहे. त्याचे सर्वात मोठे वैशिष्ट्य म्हणजे पूर आणि दुष्काळप्रवण परिस्थितीतही अधिक आणि चांगले उत्पादन देण्याची क्षमता आहे. या गुणांमुळे ही जात लागवडीसाठी खूप चांगली मानली जाते.
३)पंत 13224 -कृषी शास्त्रज्ञांनी विकसित केलेल्या या जातीमुळे शेतकऱ्यांना कमी खर्चात चांगले उत्पादन मिळू शकते. ऊसाची ही जात रोगमुक्त असून उच्च उत्पादनासाठी चांगली मानली जाते.कृषी शास्त्रज्ञांचा असा विश्वास आहे की या जाती शेतकऱ्यांना पिकाचे अधिक आणि चांगले उत्पादन देऊ शकतात.