Tur Market Price : आवक कमी दर मात्र तेजीत; जाणून घ्या आजचे तूर बाजारभाव

हॅलो कृषी ऑनलाईन : आज सायंकाळी ४ वाजेपर्यंत प्राप्त झालेल्या राज्यातील विविध कृषी उत्पन्न बाजार समितीमधील तूर बाजार भावानुसार आज तुरीला (Tur Market Price) सर्वाधिक 8400 रुपयांचा कमाल भाव प्रतिक्विंटल साठी मिळाला.

हा भाव उदगीर कृषी उत्पन्न बाजार समिती येथे मिळाला असून आज उदगीर बाजार समितीत 105 क्विंटल तुरीची (Tur Market Price) आवक झाली. याकरिता किमान भाव 8000 कमाल भाव 8400, सर्वसाधारण भाव 8200 रुपये मिळाला.

आवकेच्या बाबतीत बोलायचे झाल्यास आज सर्वधिक आवक कारंजा कृषी उत्पन्न बाजार समितीत झाली असून ही आवक पंधराशे क्विंटल इतकी झाली आहे. संपूर्ण हंगामात 6 हजार 300 या हमीभावापेक्षा अधिकचा दर तुरीला मिळालेला नव्हता. अखेर नाफेडची केंद्र बंद झाली तरी दरातील घसरण सुरुच होती. शिवाय तुरीची (Tur Market Price) आयात सुरु असतानाही दर वाढले हे विशेष. वाढती मागणी आणि घटलेले उत्पादन यामुळे तुरीच्या दरात वाढ होत आहे. गेल्या महिन्यात तुरीचे दर हे 7 हजार 500 होते तर आता 8 हजार 400 येऊन ठेपले आहेत.खरीप हंगामातील तुरीची काढणी होताच राज्यात नाफेडच्या माध्यमातून खरेदी केंद्र सुरु करण्यात आली होती. या खरेदी केंद्रावर तुरीला 6 हजार 300 असाच दर ठरवून देण्यात आला होता. खरेदी केंद्रावरील आणि बाजारपेठेतील दर हे सरासरीपेक्षा कमीच असल्याने शेतकऱ्यांनी तूर साठवणुकीवर भर दिला गेला होता. ज्या शेतकऱ्यांना साठा करुन ठेवला त्या शेतकऱ्यांची आता चांदी होत आहे. तब्बल 2 हजाराहून अधिकचा दर मिळत असल्याने शेतकऱ्यांमध्ये समाधान आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे तूर बाजारभाव