हॅलो कृषी आॅनलाईन | भारतीय माणुस जुगाड करण्यात नेहमीच वरचढ ठरतो. यात शेतकरी मित्रही काही कमी नाहित. सध्या सोशल मीडियावर असाच एक व्हिडिओ व्हायरल (Social Media Viral Video) होत आहे. अभिनेता अर्शद वारसीनं (Arshad Warsi) एक व्हिडीओ सोशल मीडियावर अपलोड केला आहे. या व्हिडीओमध्ये शेतकरी अत्यंक अनोख्या पद्धतीने पेरणी करताना दिसत आहेत.
सदर व्हिडीओ कुठला आहे याची माहिती समजू शकलेली नसली तरी या व्हिडीओमध्ये शेतकरी धान्याची पेरणी करताना दिसत आहेत. व्हिडीओमध्ये दिसत आहे की, दोन जणं एका युवकाचे पाय पकडून त्याला खेचत आहेत, हा मुलगा शेतात धान्य पेरत आहे. या शेतकऱ्यांनी पेरणी करण्यासाठी लावलेली शक्कल पाहून सोशल मीडियावर त्यांचे कौतुक केले जात आहे.
Necessity is the mother of all inventions… pic.twitter.com/LpyGRXAL81
— Arshad Warsi (@ArshadWarsi) September 18, 2020
अर्शद वारसीने हा व्हिडीओ 18 सप्टेंबररोजी पोस्ट केला आहे. या व्हिडीओला त्याने, Necessity is the mother of all inventions… म्हणजेच ‘गरज ही शोधाची जननी’ असेच कॅप्शन दिले आहे.