हॅलो कृषी ऑनलाईन: संयुक्त राष्ट्राने 2026 ‘महिला शेतकरी आंतरराष्ट्रीय वर्ष’ (International Year of the Woman Farmer) म्हणून घोषित केले आहे. कृषी क्षेत्रात महिलांच्या महत्त्वाच्या भूमिकेसाठी महिला शेतकरी आंतरराष्ट्रीय वर्ष’ (International Year of the Woman Farmer) साजरे करत असताना त्यांच्यासमोरील आव्हाने, मालमत्तेमध्ये हक्क ते बाजारपेठेपर्यंत पोहचण्यासाठी जागरुकता निर्माण करते.
युनायटेड स्टेट्स डिपार्टमेंट ऑफ ॲग्रिकल्चर (USDA) च्या नेतृत्वाखाली आणि 100 हून अधिक सह-प्रायोजकांनी या ठरावाला मान्यता दिली. हा ठराव जगभरातील कृषी क्षेत्रात महिलांनी बजावलेल्या महत्त्वपूर्ण भूमिकेला जागतिक मान्यता अधोरेखित करतो (International Year of the Woman Farmer).
जागतिक अन्न उत्पादनात (Global Food Production) महिला मध्यवर्ती भूमिका बजावतात, जगभरातील अन्न उत्पादनांपैकी निम्म्यामध्ये त्या योगदान देतात. उल्लेखनीय म्हणजे, अनेक देशांमध्ये ते 60 ते 80 टक्के अन्न पुरवठ्यात महत्वपूर्ण कामगिरी बजावतात. त्यांचे महत्त्वपूर्ण योगदान असूनही, जगभरातील महिलांना पुरुषांच्या तुलनेत जास्त प्रमाणात अन्न असुरक्षितता अनुभवावी लागते.
या ठरावाचा (International Year of the Woman Farmer) मुख्य उद्देश म्हणजे जगभरातील अन्न आणि कृषी उत्पादनात महिलांच्या महत्त्वाच्या भूमिकेवर प्रकाश टाकणे, कृषी क्षेत्रात महिलांना भेडसावणाऱ्या इतर आव्हानाबद्दल जागरुकता वाढविणे, या आव्हानांना तोंड देण्यासाठी कृतीशील उपाय शोधणे, आणि संयुक्त राष्ट्रांच्या शाश्वत विकास लक्ष्याशी त्यांना संरेखित करण्याचा प्रयत्न करणे, विशेषत: लैंगिक समानता, अन्न सुरक्षा आणि गरिबी निर्मूलन हा आहे.
संयुक्त राष्ट्रांच्या अन्न आणि कृषी संघटना (FAO) संयुक्त राष्ट्रांच्या आमसभेने 2 मे 2024 रोजी स्वीकारलेल्या या ठरावाचे स्वागत केले.
FAO च्या “The Status of Women in Agrifood Systems” नावाच्या अहवालानुसार, जागतिक कृषी कामगार गटात 39% सहभाग असूनही, महिलांना भेदभावाचा सामना करावा लागतो. त्यांना मर्यादित जमीन आणि पशुधन मालकी, दर्जेदार रोजगार संधींपर्यंत मर्यादित प्रवेश यासारख्या अडथळ्यांचा सामना करावा लागतो. तसेच असमान वेतन, आणि निर्णय प्रक्रियेत सामावून न घेणे यासारख्या समस्यांना सामोरे जावे लागते.
महिला शेतकरी आंतरराष्ट्रीय वर्ष (International Year of the Woman Farmer) म्हणून 2026 ची घोषणा ही कृषी विकास आणि लैंगिक समानतेच्या दिशेने जागतिक चळवळीतील एक महत्त्वपूर्ण पाऊल आहे. हे अन्न सुरक्षा सुनिश्चित करण्यासोबतच, आर्थिक समृद्धीला चालना देण्यासाठी आणि जगभरात शाश्वत विकासाला चालना देण्यासाठी महिलांच्या भूमिकेला ओळखणे, समर्थन देणे आणि वाढविण्याचे महत्त्व अधोरेखित करते.
