Chana Market : हरभऱ्याचे बाजारभाव अचानक वाढले, ‘इतका’ मिळतोय दर; जाणून घ्या एका क्लिकवर

Chana Market : मागच्या काही दिवसापासून हरभऱ्याचे दर कमी आहेत. मात्र आता हरभऱ्याच्या दराने सर्वांना आश्चर्याचा धक्का दिला आहे. मागच्या तीन आठवड्यापासून हरभऱ्याचे भाव क्विंटल मागे 500 ते 700 रुपयांनी वाढले आहेत. कमी असलेले भाव अचानक वाढल्यामुळे अनेकांना धक्का बसला आहे. देशांमध्ये विक्रमी उत्पादन होऊन आणि नाफेडकडे उच्चांकी स्टॉक असून देखील हरभरा भाव वाढत आहेत. हरभऱ्याचे दर आता पाच हजार दोनशे ते पाच हजार पाचशे रुपये प्रतिक्विंटल वर पोहोचले आहेत. त्यामुळे हरभरा उत्पादक शेतकऱ्यांमध्ये आनंदाचे वातावरण पाहायला मिळत आहे.

शेतकऱ्यांनी हरभरा विकण्यास केली सुरुवात

मागच्या काही दिवसापासून हरभऱ्याचे दर खूप कमी होते. त्यामुळे शेतकरी मोठ्या चिंतेत होते. हरभऱ्याचे दर वाढतील का नाही असा प्रश्न शेतकऱ्यांच्या मनात होता. मात्र कधी ना कधी हरभऱ्याचे भाव वाढणार अशी आशा देखील शेतकऱ्यांना होती. याच आशेने शेतकऱ्यांनी हरभरा साठवणूक करून ठेवला होता आता हरभऱ्याचे दर वाढल्यामुळे अनेक शेतकऱ्यांनी बाजारामध्ये हरभरा विक्रीसाठी देखील आणला आहे.

असे अनेक शेतकरी होते ज्यांनी हरभऱ्याचे भाव वाढत नसल्याने हरभरा विकून टाकला होता मात्र सध्या बाजारामध्ये हरभऱ्याची आवक बाजारामध्ये खूपच कमी जपोटे आहे आता सध्या सण देखील मोठ्या प्रमाणात आले आहेत. दिवाळी, दसरा हे सण आले आहेत. या सणांना डाळी मोठ्या प्रमाणात लागतात त्यामुळे हरभऱ्याला मागणी वाढली आहे आणि बाजारातील आवक कमी झाली आहे. त्यामुळे सध्या हरभऱ्याला पाच हजार दोनशे ते पाच हजार सहाशे रुपयांचा भाव मिळत आहे.

इथे चेक करा हरभऱ्याचे बाजार भाव

शेतकरी मित्रांनो तुम्हाला जर हरभऱ्याचे रोजचे बाजार भाव पाहिचे असतील तर गुगल प्ले स्टोअर वर जाऊन आपले Hello Krushi हे ॲप तुमच्या मोबाईल मध्ये इंस्टॉल करा. हे ॲप मोबाईल मध्ये इन्स्टॉल केल्यानंतर ते ओपन करा त्यामध्ये बाजार भाव असा ऑप्शन दिसेल त्या ठिकाणी तुम्ही हरभऱ्याचे बाजार भाव पाहू शकतात. त्याचबरोबर इतर शेतमालाचे देखील भाव पाहू शकता. त्यामुळे तुम्ही जर शेतकरी असाल तर लगेच आपले Hello Krushi हे ॲप तुमच्या मोबाईल मध्ये डाऊनलोड करा.

सध्या पावसाने देखील चिंता वाढवली आहे यामुळे रब्बी हंगामात उत्पादन किती होईल हे सांगता येत नाही. त्यामुळे हरभरा भावाला आधार मिळत असल्याचे देखील जाणकारांनी सांगितले आहे. तर हरभऱ्याचे भाव अजून वाढू शकतात असा अंदाज देखील जाणकारांनी व्यक्त केला आहे त्यामुळे शेतकऱ्यांना देखील मोठा दिलासा मिळाला आहे. मात्र असे असले तरी शेतकऱ्यांनी साठवून करून ठेवलेला हरभरा बाजारात विक्रीसाठी नेला आणि बाजारात त्याची आवक मोठ्या प्रमाणात वाढली तर हरभऱ्याचे भाव पुन्हा कमी होऊ शकतात असे देखील अनेक व्यापाऱ्यांचे म्हणणे आहे.

शेतमाल : हरभरा

दर प्रती युनिट (रु.)