अबब … ! सोलापुरात कांद्याची रेकॉर्डब्रेक आवक, एका दिवसात जवळपास 16 कोटींची उलाढाल

हॅलो कृषी ऑनलाईन : सध्या राज्यात खरिपच्या कांदा काढणीचे सुरु आहे. त्यामुळे अनेक बाजार समित्यांमध्ये कांद्याची मोठ्या प्रमाणात आवक होते आहे. सोलपुर कृषि उत्पन्न बाजार समितीत सोमवारी विक्रमी आवक झाली. बाजार समितीच्या स्थापनेपासून आतापर्यंत पहिल्यांदाच एवढी मोठी आवक झाल्याचे इथल्या आधिकाऱ्यांकडून सांगण्यात आले.

केवळ कांद्याची एका दिवसात १६ कोटींची उलाढाल

पहिल्यांदाच बाजार समितीत 1 हजार हुन अधिक गाड्यांची कांदा आवक झाली. काल एका दिवसात बाजार समितीमध्ये केवळ कांद्याची 16 कोटी रुपयांची उलाढाल झाली असल्याची माहिती कृषी उत्पन्न बाजार समितीच्या अधिकाऱ्यांनी दिली आहे. याबाबत पुढे बोलताना आधिकऱ्यानी सांगितले की बाजारसमितीच्या इतिहासात प्रथमच एक हजारहून अधिक गाड्यांची आवक झाली. मात्र सर्व सुरळीत पार पडले याकरिता बाजार समितीमधील सर्व घटकांचे सहाय लाभले. शिवाय आवक जास्त झाली म्हणून दर कमी झले असे नाही तर शेतकऱ्यांना योग्य भाव मिळाला असे देखील येथील आधिकऱ्यानी सांगितले.

सोलापुरात लाल कांद्याची एकूण 1 लाख पाच हजार 401 क्विंटल इतकी आवक झाली. याकरिता कमीत कमी दर शंभर रुपये जास्तीत जास्त दर तीन हजार 100 आणि सर्वसाधारण दर हा एक हजार सोळाशे रुपये इतका मिळाला आहे. खरंतर लासलगाव कृषी उत्पन्न बाजार समिती हे आशियातील सर्वात मोठी कांद्याची बाजारपेठ म्हणून ओळखली जाते मात्र सोलापुरातील आवक ही सर्वात मोठी नोंदवली गेली आहे.

काय आहेत राज्यातील कांदा बाजारभाव