हॅलो कृषी । संरक्षण उपकरणांसाठी प्रसिध्द असलेला इस्त्राईल, भारतातील शेती आणि शेतीच्या वाढीसाठी आपले योगदान आणखी वाढवेल. इस्रायल शेतीच्या क्षेत्रातही खूप पुढे आहे. 1993 पासून ते या क्षेत्रात भारताला पाठिंबा देत आहेत. दोघांमधील कृषी क्षेत्रात सहकार्य वाढविण्यासाठी पुन्हा एकदा 3 वर्षाच्या कार्यक्रमावर स्वाक्षरी झाली आहे. दोन्ही देशांमधील तंत्रज्ञानाची देवाणघेवाण केल्यास फळबागांची उत्पादकता व गुणवत्ता सुधारली जाईल आणि यामुळे शेतकऱ्यांचे उत्पन्न वाढेल. एका कार्यक्रमात दोन्ही सरकारांनी कृषी आणि जल क्षेत्रावर लक्ष केंद्रित करण्याची गरज मान्य करून अधिक सहकार्य वाढविण्यास सहमती दर्शविली.
नवीन कार्यक्रमात काय होईल?
– इस्त्राईलच्या नवीन कृषी कार्यक्रमाचे लक्ष विद्यमान उत्कृष्टता केंद्र वाढविणे, नवीन केंद्रे स्थापन करणे, स्वयंपूर्ण बनविणे आणि खासगी क्षेत्रातील कंपन्यांना व सहकार्यास प्रोत्साहित करणे हे आहे.
– इंड्रो-इस्त्राईल विलेज ऑफ एक्सलन्स ही एक नवीन संकल्पना आहे. ज्याचे लक्ष 8 राज्यांतील 75 खेड्यांमध्ये 13 सेंटर ऑफ एकसीलन्सच्या जवळ कृषी क्षेत्रामध्ये इकोसिस्टम विकसित करणे हे आहे.
– यामुळे पारंपारिक शेती भारत-इस्त्रायली कृषी प्रकल्प मानकांच्या आधारे आधुनिक-गहन शेतात रूपांतरित करेल.
भारताचे इस्त्रायली राजदूत डॉ. रोन मलका म्हणाले की, हा तीन वर्षांचा कार्यक्रम आपल्या वाढती भागीदारीची शक्ती दर्शवितो. याचा फायदा स्थानिक शेतकऱ्यांना होईल. या कार्यक्रमास कृषी व शेतकरी कल्याण राज्यमंत्री पुरुषोत्तम रुपाला आणि कैलास चौधरी उपस्थित होते. कृषी सचिव संजय अग्रवाल म्हणाले की, ‘नवीन कार्यक्रमात आमचे लक्ष सेंटर ऑफ एकसिलन्सच्या आसपासच्या खेड्यांचे रूपांतर विलेजस ऑफ एक्ससिलन्स करण्यावर असेल. इस्राईल संरक्षण क्षेत्रात तसेच कृषी तंत्रज्ञानामध्ये खूप प्रगत आहे. दोन्ही देशांचे खूप चांगले संबंध आहेत’.
शेती विषयक बातम्या, शासकीय योजना, महत्वाची माहिती मोबाईलवर मोफत मिळवण्यासाठी आमचा WhatsApp ग्रुप आजच Join करा
