हॅलो कृषी ऑनलाईन: जर तुमचे शिक्षण नववी पर्यंत (Gardener Training Course) झाले असेल, किंवा दहावी नापास असाल आणि तुम्हाला बागकामाची (Gardening) आवड असेल तर हा अभ्यासक्रम आहे खास तुमच्यासाठी. बहुतेक महिला असतात ज्यांना काही कारणामुळे पुढे शिक्षण घेता आले नसेल, परंतु काहीतरी काम करून स्वत:च्या पायावर उभे रहायची इच्छा असेल त्यांना सुद्धा हा अभ्यासक्रम पूर्ण करता येईल. हा अभ्यासक्रम म्हणजे ‘माळी प्रशिक्षण’ सर्टिफिकेट कोर्स (Gardener Training Course).
यशवंतराव चव्हाण महाराष्ट्र मुक्त विद्यापीठाच्या (YCMOU) कृषी विज्ञान विद्याशाखेमार्फत माळी प्रशिक्षण प्रमाणपत्र (Gardening training Course) शिक्षणक्रम सुरू केला आहे. सदर शिक्षणक्रम मुक्त विद्यापीठाने मान्यता दिलेल्या महाराष्ट्रातील विविध 65 कृषी अभ्यास केंद्रावर चालविला जातो.
काय शिकता येणार या अभ्यासक्रमात? (Gardener Training Manual)
- माळी प्रशिक्षण प्रमाणपत्र शिक्षणक्रमांतर्गत (Gardening training Course) विद्यार्थ्यांना झाडांची छाटणी करणे, झाडांना आकार देणे, पिशव्या भरणे, फुलझाडे, फळझाडे, रोप वाटिका आणि बागकाम व्यवस्थापनाविषयी शिक्षण दिले जाते.
- फळे, भाजीपाला आणि फुलांचे महत्त्व, त्यांना लागणारे हवामान, जमीन, लागवडीच्या विविध पद्धती, बागेसाठी लागणारी जमीन, तिचा विकास, संरक्षण, बागेची आखणी आणि लागवड, बागेसाठी लागणारे सेंद्रिय आणि रासायनिक खते, बागेसाठी पाण्याचे नियोजन आणि आच्छादनाचा वापर कसा करावा या विषयी सविस्तर माहिती देण्यात येणार आहे.
- सदर शिक्षणक्रमामध्ये (Gardening training Course) बागेतील फळझाडांना वळण देण्याची व आधार देण्याची आवश्यकता आणि पद्धती, फळ झाडांची छाटणी व त्यांच्या विविध पद्धती, फळ झाडांचे उत्पादन वाढविण्यासाठी वापरण्यात येणार्‍या विविध पद्धतीची माहिती शिकवण्यात येणार आहे.
- फळ झाडांचा बहार धरण्याचे तंत्र, फळ बागांमध्ये संजीवकांचा वापर, बागेतील आंतरपिकाचे महत्त्व, विविध पिकांतील तणांचे नियंत्रण, फळझाडे व भाजीपाला पिकांवरील महत्त्वाचे रोग व किडी नियंत्रण, फळे, भाजीपाला आणि फुलांची काढणी व हाताळणी बद्दल सखोल माहिती देण्यात येणार आहे.
- या शिक्षणक्रमामध्ये फळझाडे जसे कि आंबा, चिकू, पपई, पेरू, अंजीर, केळी, लिंबू वर्गीय पिके, डाळिंब, आवळा, सुपारी, काजू, नारळ, चिंच, बोर, सीताफळ यासारख्या पिकांबरोबर भाजीपाला टोमॅटो, वांगी, मिरची, कांदा, लसून, बटाटा, भेंडी, मूळ भाजी व कंद भाजी, शेवगा, हादगा, कढीपत्ता, कोबीवर्गीय पिके, वेलवर्गीय पिके आणि शेंगा वर्गीय पिकांच्या लागवडीपासून ते काढणीपर्यंतची सर्व माहिती दिली जाणार आहे.
- इतकेच नव्हे तर या मध्ये गुलाब, झेंडू, ॲस्टर, झिनिया, कार्नेशन, जरबेरा, गेलार्डीया, निशिगंध, ग्लॅडिओलस, लिली आणि जस्मिन या सारख्या फुलांची सर्व माहिती देण्यात येणार आहे.
या अभ्यासक्रमाची वैशिष्ट्ये आणि फायदे (Gardener Training Course Benefits)
- सदर शिक्षणक्रमात (Gardening training Course) रोपवाटिका व्यवस्थापनाविषयी, रोपवाटिका स्थापनेबद्दलचे सर्व तंत्रज्ञान, परसबाग, टेरेस गार्डन, बोन्साय, कॅक्टस, लॉन, पाण्यात वाढणाऱ्या शोभिवंत वनस्पती, खडखबाग सारखे नवनवीन आणि आधुनिक तंत्रज्ञांनाची सखोल माहिती या शिक्षणक्रमात देण्यात आली आहे.
- ज्या लोकांना बागकाम क्षेत्रामध्ये आवड आहे त्या लोकांसाठी हा शिक्षणक्रम अतिशय उपयुक्त आहे, कारण उत्तीर्ण विद्यार्थी स्वत:चा व्यवसाय, वेगवेगळ्या रोपवाटिका, वास्तूंचे सुशोभीकरण, परसबागेतील सेंद्रिय पद्धतीने भाजीपाला लागवड, फळबाग लागवड, विविध घरगुती, सांस्कृतिक कार्यक्रमातील फुलांची सजावट, भेटवस्तू निर्मिती, दवाखाने, खाजगी कार्यालयातील बाग-बगीचा देखभालीचे कंत्राट, शासकीय कार्यालयातील परिसर सुशोभीकरणाचे कंत्राट, कृषी विभाग, शासकीय विभाग व निमशासकीय विभाग इत्यादी ठिकाणी नोकरीच्या संधी उपलब्ध होऊ शकतात.
- शेतकरी, शेतमजूर, शहरी महिला व पुरुष तसेच इतर ज्यांना बागकामामध्ये आवड आहे अशा लोकांना ही एक सुवर्ण संधी आहे.
प्रवेश प्रक्रिया ऑनलाइन सुरू (Gardening training Course)
- यशवंतराव चव्हाण महाराष्ट्र मुक्त विद्यापीठांतर्गत माळी प्रशिक्षण प्रमाणपत्र शिक्षणक्रम मराठी भाषेतून (Gardening training Course) असून, हा एक वर्षाचा अभ्यासक्रम आहे.
- महाराष्ट्रातील कोणत्याही जिल्ह्यातून नववी उत्तीर्ण विद्यार्थ्याला प्रवेश मिळू शकतो. हे शिक्षणक्रम दूरस्थ पद्धतीने राबविले जात असून दर आठवड्याच्या शनिवार आणि रविवार या दिवशी संपर्कसत्रे अभ्यासकेंद्रावर आयोजित केली जातात.
- माळी प्रशिक्षण प्रमाणपत्र (Gardening training Course) शिक्षणक्रमाची संपूर्ण प्रवेश प्रक्रिया ही ऑनलाइन पद्धतीने चालू आहे. शैक्षणिक वर्ष 2024-25 वर्षाच्या अभ्यासक्रमासाठी प्रवेश सुरू झाले आहेत. दि. 19 जून 2024 पूर्वी आपले अर्ज पूर्ण भरावेत. ज्यांना 19 जून 2024 पर्यंत अर्ज भरणे शक्य होणार नाही त्यांना 18 जुलै च्या स्पॉट राउंडमध्ये प्रवेश मिळू शकेल. अधिक माहितीसाठी विद्यापीठाच्या संकेतस्थळाला http://ycmou.digitaluniversity.ac किंवा http://www.ycmou.ac.in वेबसाईटला भेट द्यावी.
प्रवेश प्रक्रियेच्या महत्त्वाच्या तारखा
- प्रथम प्रवेश अर्ज (Online-Admission Form) भरण्याचा कालावधी 01 ते 19 जून, 2024.
- प्रथम फेरी गुणवत्ता यादी प्रसिद्ध करण्याची तारीख – 26 जून, 2024.
- प्रथम गुणवत्ता यादी प्रवेश फेरी (First Merit List Admission Round) कालावधी – 27 ते 02 जुलै, 2024.
- दुसरी गुणवत्ता यादी प्रसिद्ध करण्याची तारीख – 08 जुलै 2024
- दुसरी गुणवत्ता यादी प्रवेश फेरी (Second Merit List Admission Round) तारीख – 09 ते 12 जुलै, 2024.
- शिल्लक जागांची माहिती प्रसिद्ध करण्याची तारीख 16 जुलै, 2024.
- शिल्लक राहलेल्या जागांसाठी गुणवत्तेनुसार प्रथम येणार्‍यास प्रथम प्रवेश कालावधी – 18 जुलै 2024.
सदर शिक्षणक्रमास जास्तीत जास्त विद्यार्थ्यांनी प्रवेश असे आवाहन मुक्त विद्यापीठाचे कुलगुरू यांनी केले आहे
