हॅलो कृषी अँप monsoon news : नैऋत्य मान्सून आज, २६ मे २०२५ रोजी मुंबईत दाखल झाला आहे. सर्वसाधारणपणे ११ जून च्या दरम्यान मान्सून मुंबईत दाखल होत असतो. परंतु यंदा मात्र १६ दिवस आधीच मान्सूनने मुंबईत हजेरी लावली आहे. २००१-२०२५ या कालावधीत प्रथमच मुंबईत इतक्या लवकर मान्सून दाखल झाला आहे.
२६ मे आणि पुढील ४-५ दिवस महाराष्ट्रात मान्सून सक्रिय राहील, परंतु अलर्टनुसार त्याची तीव्रता हळूहळू कमी होऊ शकते. कोकण, मध्य महाराष्ट्र, घाट भागांसाठी पुढील २-३ दिवस महत्त्वाचे आहेत असे आयएमडीने सांगितले आहे. सततच्या पावसामुळे रत्नागिरीच्या खेड तालुक्यातील जगबुडी नदीची पाणीपातळी वाढली असून, आज (२६ मे) दुपारी १२.३० वाजता ती इशारा पातळीच्या वर आहे.
नैऋत्य मान्सून २०२५ च्या प्रगतीबद्दल अपडेट, आज २६ मे २०२५:
❖नैऋत्य मान्सून मध्य अरबी समुद्राच्या काही भागात, मुंबईसह महाराष्ट्राच्या काही भागात, कर्नाटकसह बंगळुरू, तामिळनाडूचा उर्वरित भाग, तेलंगणा आणि आंध्र प्रदेशचा काही भाग, पश्चिम मध्य आणि उत्तर बंगालच्या उपसागराचा काही भाग, मिझोरामचा उर्वरित भाग, संपूर्ण त्रिपुरा, मणिपूर, नागालँड, अरुणाचल प्रदेश, आसाम आणि मेघालयाच्या काही भागात आज २६ मे रोजी पुढे सरकला आहे.
❖मान्सूनची उत्तर सीमा १७.०°उत्तर/५५°पूर्व, १७.५°उत्तर/६०°पूर्व, १८°उत्तर/६५°पूर्व, १८.५°उत्तर/७०°पूर्व, मुंबई, पुणे, सोलापूर, कलबुर्गी, महबूबनगर, कवली, १६.५°उत्तर/८३°पूर्व, १९°उत्तर/८६°पूर्व, २१°उत्तर/८९°पूर्व, आगरतळा, गोलपारा आणि २८.५°उत्तर/८९°पूर्व या भागातून जाते.
❖पुढील ३ दिवसांत नैऋत्य मान्सून मध्य अरबी समुद्राच्या उर्वरित भागात, महाराष्ट्राच्या काही भागात, कर्नाटकच्या उर्वरित भागात, तेलंगणाच्या काही भागात, आंध्र प्रदेशच्या काही भागात, पश्चिममध्य आणि उत्तर बंगालच्या उपसागराच्या काही भागात आणि ईशान्येकडील राज्यांच्या उर्वरित भागात आणि उप-हिमालयीन पश्चिम बंगाल आणि सिक्कीमच्या काही भागात पुढे जाण्यासाठी परिस्थिती अनुकूल आहे.
महाराष्ट्रात कुठे किती पाऊस झाला?
26 May, Significant Rains in Mah
Satara 28.4mm
Mormugao 64.2
Ahilya nagar 33
Mwr 87
RATNAGIRI 113.4
Kolhapur 42.8
SANGLI 23.8
Harnai 307
Baramati 52.8
Matheran 181
पुढील ४-५ दिवस कुठे कुठे धुवाधार पाऊस होणार?
आज २६ मे रोजी ठाणे, मुंबई, रायगड, रत्नागिरी, पुणे आणि सातारा या जिल्ह्यांत रेड अलर्ट जारी करण्यात आला होता. तसेच उद्या २७ मे साठी रत्नागिरी, सिंधुदुर्ग, कोल्हापूर, सातारा या जिल्ह्यांत रेड अलर्ट जारी करण्यात आला आहे.
