Moong Rate: मूग आणि उडीदाच्या बाजारभावात वाढ; पेरा घटल्याने भविष्यात सुद्धा दरात असणार झळाळी!

हॅलो कृषी ऑनलाईन: वाशिम जिल्ह्यासह (Washim District) राज्यात कडधान्याच्या (Moong Rate) पेरयात मोठ्या प्रमाणात घट झालेली आहे. आता पावसाळ्यात कडधान्यांच्या मागणीत वाढ होत असताना मूग आणि उडदाचा (Moong & Udad) साठा मात्र अत्यल्प आहे. त्यामुळे बाजार समित्यांत (Bajar Samiti) या शेतमालाचे दर गगनाला भिडले आहेत. परंतु, शेतकर्‍यांकडे हा शेतमाल फारसा शिल्लक नसल्याने दर वाढूनही बाजार समित्यांत या शेतमालाची आवक मात्र नगण्य आहे. शनिवारी वाशिम कृषी उत्पन्न बाजार समितीत मुगाला (Moong Rate) कमाल 7 हजार 800 रुपये, तर उडद डाळीला (Udid Rate) कमाल 9 हजार रुपये प्रति क्विंटलपर्यंत दर मिळाला होता.

यंदाही पेरा राहणार कमीच 
जिल्ह्यातील शेतकरी मूग (Moong Rate) आणि उडीद या पिकांच्या पेरणीबाबत उदासीन आहेत. या पिकांचा खर्च अधिक असताना वन्य प्राण्यांचा या पिकांमध्ये मोठा उपद्रव असतो. तसेच कमी कालावधीच्या पिकांना अवर्षण, अतिवृष्टीचा फटका बसण्याची शक्यता असते. त्यामुळे यंदाही खरीप हंगामात (Kharif Season Pulses Sowing) या पिकांचा पेरा कमीच राहण्याची शक्यता आहे.

दर आणखी वाढण्याची शक्यता 
देशभरात गेल्या काही वर्षांत मूग आणि उडीद या कडधान्य पिकांचे क्षेत्र आणि उत्पादनही (Moong And Urad Production) घटले आहे. त्यात गतवर्षी मॉन्सून उशिरा दाखल झाल्याने या पिकांचे क्षेत्र नावापुरतचे होते. परिणामी यंदा शेतमालाला मोठी मागणी असल्याने पुढील काळात मूग आणि उडीद या दोन्ही शेतमालाच्या दरात (Moong Rate) आणखी वाढ होण्याची शक्यता बाजार तज्ज्ञांनी वर्तविली आहे.

शनिवारी 22 जून रोजी मुगाचे बाजारभाव (Moong Rate)