हॅलो कृषी ऑनलाईन : भारताची कृषी अर्थव्यवस्था खूप मजबूत असल्याचे केंद्रीय कृषी मंत्री नरेंद्र सिंह तोमर यांनी म्हटले आहे. हे असेच चालू राहिल्यास भारत सर्वात मोठ्या संकटाचा सामना करण्यास पूर्णपणे सक्षम असेल, कारण कोविड संकटाच्या काळातही आपल्या कृषी क्षेत्राने स्वतःला सकारात्मकतेने सिद्ध केले आहे. कृषी उत्पादनांवर प्रक्रिया करण्याबरोबरच त्यांच्या वाजवी किंमतीसाठी मोदी सरकारने अनेक पावले उचलली आहेत. कृषी क्षेत्रातील पायाभूत सुविधांसाठी एक लाख कोटी रुपये दिले आहेत. त्यापैकी 14 हजार कोटी रुपयांच्या प्रकल्पांनाही मंजुरी देण्यात आली आहे.
.@icarindia के अंतर्गत, 60 वर्षों से ज्यादा समय से उत्कृष्ट सेवाएं दे रहे केंद्रीय शुष्क क्षेत्र अनुसंधान संस्थान (#CAZRI) जोधपुर में आज एक साथ 4 नई सुविधाओं (सभागार, कृषि-व्यवसाय अभिपोषण (एबीआई) केंद्र, इंडोर खेल हॉल एवं पर्यावरण अनुकूल अपशिष्ट जल उपचार संयंत्र) का उद्घाटन किया। pic.twitter.com/skCwJvaJut
— Narendra Singh Tomar (@nstomar) August 28, 2022
सेंट्रल एरिड झोन रिसर्च इन्स्टिट्यूट (कजरी), जोधपूर येथे 4 नवीन सुविधांचे उद्घाटन करताना तोमर म्हणाले की, कृषी क्षेत्राच्या प्रगतीमध्ये शास्त्रज्ञांचे योगदान महत्त्वाचे आहे. आता त्यांनी मोठे ध्येय ठेवून उत्पादकता वाढवण्यावर भर देण्याची गरज आहे. लागवड साहित्याची उपलब्धता वाढविण्यावर भर देत कजरी या बाबतीत पुढे गेल्यास केंद्र सरकार आपल्या स्तरावर पूर्ण सहकार्य करेल, असे सांगितले. कजरीने शुष्क प्रदेशात कृषी विकासासाठी अगणित संशोधन करून तंत्रज्ञान विकसित केले आहे, जे आपल्या वाळवंटी भागासाठी तसेच संपूर्ण जगासाठी एक उदाहरण आहे.
अन्न निर्यातदार म्हणून भारताची ओळख
तोमर म्हणाले की, भारत लवकरच बहुतांश कृषी उत्पादनांमध्ये प्रथम क्रमांकावर येईल. सध्या, बहुतेक कृषी उत्पादनांच्या बाबतीत भारत जगात पहिल्या किंवा दुसऱ्या क्रमांकावर आहे. दुसरीकडे, केंद्रीय जलशक्ती मंत्री गजेंद्र सिंह शेखावत म्हणाले की, शेतकऱ्यांची मेहनत, कृषी शास्त्रज्ञांचे योगदान आणि सरकारच्या धोरणांमुळे आज आपण अन्नधान्याच्या मुबलकतेसोबतच निर्यातदार देश म्हणून ओळख निर्माण केली आहे. धान्य कृषी क्षेत्राकडे पाहण्याचा लोकांचा दृष्टिकोन बदलत आहे. हे क्षेत्र फायदेशीर करण्यासाठी सरकारने अनेक पावले उचलली आहेत.
