हॅलो कृषी ऑनलाईन: मका (Black Maize) शेती ही अनेक कारणांमुळे शेतकर्‍यांसाठी फायदेशीर ठरत आहे. मक्याच्या पांढऱ्या आणि लाल जातींव्यतिरिक्त पांढरे कॉर्न आणि स्वीट कॉर्नच्या लागवडीबाबत शेतकर्‍यांची आवड सातत्याने वाढत आहे. तसेच उन्हाळी हंगामातील पेरणीसाठी शेतकर्‍यांकडून काळ्या मक्याच्या लागवडीला प्राधान्य दिले जात आहे. देशातील महानगरांमध्ये 200 रुपये प्रति नग या दराने काळा मका (Black Maize) विकला जातो.
बहुतेक शेतकर्‍यांना काळ्या मक्याच्या लागवडीबद्दल (Black Corn Farming) माहिती नाही आहे. तर जाणून घेऊ या काळ्या मक्याची लागवड पद्धती, आणि त्यातून मिळणारा नफा याबद्दल सविस्तर.
काळ्या मक्याची जात (Black Maize Variety)
देशात प्रथमच, छिंदवाडा येथील कृषी संशोधन केंद्राने काळ्या मक्याच्या लागवडीवर संशोधन केले आणि मक्याची नवीन जात ‘जवाहर मका 1014’ (Jawahar 1014 Maka) विकसित केली. कृषी शास्त्रज्ञ आता या जातीची लागवड करण्याची शिफारस करतात. मक्याची ही जात त्यातील पोषक घटकांमुळे कुपोषणाशी लढण्यासाठी प्रभावी ठरेल. या मक्याचा वापर अनेक आरोग्यदायी उत्पादनांमध्ये शक्य होणार आहे. मक्याची ही जात खोड रोगास (Disease Resistant Maize Variety) तग धरणारी आहे. हा वाण पावसावर आधारित पठारी क्षेत्रासाठी अधिक उपयुक्त आहे.
काळ्या मक्याची वैशिष्ट्ये (Black Corn Features And Benefits)
- काळ्या मक्याची ‘जवाहर मका 1014’ ही जात 90 ते 95 दिवसात तयार होते.
- मक्याची ही जात कुपोषणाशी लढण्यासाठी प्रभावी आहे. त्यात लोह, तांबे आणि जस्त मोठ्या प्रमाणात आढळतात.
- मक्याची ही पहिली जात आहे जी पौष्टिक आणि जैव-फोर्टिफाइड आहे. मक्याचा हा प्रकार बाजारात महागड्या दरात उपलब्ध आहे.
- एक मका 200 रुपयांना ऑनलाइन विकला जात आहे. त्याची किंमत नेहमी सामान्य मक्यापेक्षा जास्त असते, कारण फार कमी शेतकरी या जातीची लागवड करतात.
- काळा मका (Black Maize) त्याच्या चवीमुळे आणि अधिक पौष्टिक गुणधर्मांमुळे हळूहळू लोकप्रिय होत आहे.
- काळ्या मक्याचे दाणे शिजायला जास्त वेळ लागतो. पिकल्यानंतर त्याचे दाणे काळे, चमकदार आणि आकर्षक दिसतात.
- काळ्या मक्याचे दाणे पिवळ्या आणि पांढऱ्या मक्यापेक्षा जास्त चवदार आणि गोड असतात.
काळ्या मक्याचे उत्पादन (Black Corn Cultivation)
- काळ्या मका पिकाला चांगल्या वाढीसाठी उष्ण हवामानाची गरज असते.
- लागवड ओळींमध्ये केली जाते आणि ओळीत रोपापासून रोपापर्यंतचे अंतर 60 ते 75 सें.मी ठेवावे.
- रोपावस्थेत या पिकाला जास्त पाणी द्यावे लागते.
- एक एकर जमिनीत 8 किलो बियाण्यापासून शेतकरी 26 क्विंटलपर्यंत उत्पादन मिळू शकते.
एकूणच, काळा कॉर्न केवळ चवदारच नाही तर भरपूर पोषक देखील आहे, ज्याचा वापर आरोग्याच्या दृष्टिकोनातून खूप फायदेशीर आहे. आत्तापर्यंत आपल्या देशात शेतकरी पांढरा आणि पिवळा मका घेतात, पण काळा मका (Black Maize)पिकवण्याकडेही शेतकर्‍यांचा कल वाढत आहे.
